ពលរដ្ឋខ្មែរបន្តវិលត្រឡប់មកពីប្រទេសថៃ តាមតាមច្រកអន្តរជាតិប៉ោយប៉ែត ដោយនគរបាលជួយសម្របសម្រួលនិងយករថយន្តដឹកជញ្ជូនពួកគាត់ទៅតាមបណ្តាខេត្ត
បន្ទាយមានជ័យ៖ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅថ្ងៃទី១៧ ខែកក្កដា ឆ្នាំ២០២៥ បានចាត់តាំងលោកឧត្តមសេនីយ៍ត្រី យ៉ត សុផល ស្នងការរង ផែនការងារកិច្ចការប៉ុស្តិ៍ ដឹកនាំកម្លាំងនគរបាលចំនួន១៥នាក់ សហការជាមួយរដ្ឋបាលខេត្តបន្ទាយមានជ័យ ស្ថាប័នពាក់ព័ន្ធ ចូលរួមសម្របសម្រួលដល់ពលរដ្ឋខ្មែរ ដែលកំពុងវិលត្រឡប់មកប្រទេសកម្ពុជា តាមច្រកអន្តរជាតិប៉ោយប៉ែត ក្រោយពីភាគីថៃប្រកាសបិទច្រកព្រំដែន។
ប្រតិបត្តិការសម្រាប់ថ្ងៃព្រហស្បតិ៍នេះ គិតចាប់ពីម៉ោង៨.០០នាទីព្រឹក ដល់ម៉ោង១៦.០០នាទីល្ងាច ប្រជាពលរដ្ឋខ្មែរវិលត្រឡប់ មានចំនួន២៥នាក់ ស្រី១៥នាក់ កម្លាំងនគរបាលយើង បានប្រើប្រាស់រថយន្តចំនួន០២គ្រឿង ដឹកជញ្ជូនពលរដ្ឋខ្មែរទាំងនោះទៅកាន់តាមបណ្តាខេត្តរួមមាន៖ ខេត្តកំពង់ចាម, ខេត្តកំពង់ធំ និងខេត្តបន្ទាយមានជ័យ៕
