(បរទេស)÷ ថ្ងៃសុក្រ ទី២៧ ខែមិថុនា ឆ្នាំ២០២៥ រោងចក្រនៅចិនអាចនឹងមានសកម្មភាពធ្លាក់ចុះជាលើកទី៣ជាប់ៗគ្នា ក្នុងខែមិថុនា បើយោងតាមការស្ទង់មតិរបស់ Reuters។ សូចនាករផលិតកម្ម (PMI) ត្រូវបានព្យាករណ៍ឲ្យស្ថិតនៅចំនួន ៤៩.៧ ដែលខ្ពស់ជាងខែមិនា (៤៩.៥) ប៉ុន្តែតែនៅកម្រិតក្រោម ៥០ ដែលបង្ហាញពីការរីកចម្រើននៃវិស័យ។
សេដ្ឋកិច្ចក្នុងស្រុកនៅតែស្រកខ្សោយដោយសារទីផ្សារអចលនទ្រព្យកំពុងរអាក់រអួល បណ្តាលឲ្យការចំណាយរបស់ប្រជាជនថយចុះ និងបង្កើនសម្ពាធលើតម្លៃផលិតផលឧស្សាហកម្ម។ ក្រុមហ៊ុនផលិតមិនសូវមានជម្រើសនៃទីផ្សារផ្សេងទេ លើកលែងតែរងចាំការទាញយកយុទ្ធសាស្ត្រប្រកបដោយប្រសិទ្ធភាពពីរដ្ឋាភិបាលដើម្បីបន្ធូរភាពតានតឹងពាណិជ្ជកម្មជាមួយសហរដ្ឋអាមេរិក និងសហភាពអឺរ៉ុប។
អាជ្ញាធរចិនមិនអាចអនុញ្ញាតឲ្យវិស័យផលិតកម្មធំរបស់ខ្លួនធ្លាក់ចុះបានទេ ប្រសិនបើចង់សម្រេចគោលដៅអភិវឌ្ឍន៍សេដ្ឋកិច្ចប្រហែល ៥% ក្នុងឆ្នាំ ២០២៥។
ប្រាក់ចំណេញរបស់ក្រុមហ៊ុនឧស្សាហកម្មចិនបានធ្លាក់ចុះ ៩.១% ក្នុងខែឧសភា បង្ហាញពីតម្រូវការថយចុះ និងតម្លៃផលិតផលធ្លាក់ចុះ។ លោកលី ឆៀង (Li Qiang) នាយករដ្ឋមន្រ្តីបាននិយាយថា រដ្ឋាភិបាលនៅតែមានជំនឿថាអាចអនុវត្តកំណែទម្រង់ ដើម្បីផ្លាស់ប្តូរសេដ្ឋកិច្ចពីការពឹងផ្អែកលើការផលិតទៅជាសេដ្ឋកិច្ចជំនួញប្រើប្រាស់។
ទោះជាយ៉ាងណា អ្នកវិភាគបង្ហាញថា ការផ្លាស់ប្តូរនេះអាចនឹងចំណាយពេលជាច្រើនឆ្នាំ ហើយអាចនឹងបង្កឲ្យសេដ្ឋកិច្ចធ្លាក់ចុះខ្លះក្នុងអំឡុងពេលខ្លី។ នៅពេលដែលចិន និងសហរដ្ឋអាមេរិកបានព្រមព្រៀងលើសន្ធិសញ្ញាពាណិជ្ជកម្ម ដោយទោះបីជារដ្ឋាភិបាលអាមេរិកអាចបន្តពិន័យពន្ធសារបន្ថែមខ្ពស់ដដែល ក៏ដូចជាបន្តបង្កសម្ពាធលើការនាំចេញរបស់ចិន។
សូចនាករ(Indicator)ផលិតកម្មឯកជន Caixin PMI ត្រូវបានព្យាករណ៍ឲ្យមានចំនួន ៤៩.០ កើនពី ៤៨.៣ ក្នុងខែមុន។ ទិន្នន័យនេះនឹងត្រូវប្រកាសនៅថ្ងៃទី ១ ខែកក្កដា។
អត្ថបទពីកញ្ញា ហេង គីមជូ
