(វ៉ាស៊ីនតោន)÷ ថ្ងៃអាទិត្យ ទី២២ ខែមិថុនា ឆ្នាំ២០២៥ ប្រធានាធិបតីអាមេរិក ដូណាល់ ត្រាំ បានប្រកាសថា យោធាអាមេរិកបានវាយប្រហារទៅលើគេហដ្ឋាននុយក្លេអ៊ែរ ៣ សំខាន់ៗរបស់អុីរ៉ង់ រួមមាន ណាតាន់ (Natanz), អុីស៊្វាហាន (Isfahan) និង ហ្វ័រឌូ (Fordow)។ គេប្រើគ្រាប់មីស៊ីល Tomahawk និងយន្តហោះបំបំផ្ទុះ B-2 ដើម្បីវាយប្រហារ ត្រាំអះអាងថា Fordow ត្រូវបានបំផ្លាញទាំងស្រុង។
អុីរ៉ង់បានអះអាងថាគេបានបោះបង់វត្ថុធាតុសំខាន់ចេញពីតំបន់នោះជាមុនហើយ ដូច្នេះការខូចខាតមានកម្រិតទាប។ គេក៏បញ្ជាក់ថា គ្មានការរាលដាលកាំរស្មី និងគ្មានអន្តរាយដល់ប្រជាជន។
ការវាយប្រហារនេះកើតឡើងបន្ទាប់ពីអុីស្រាអែល បានវាយប្រហារលើអុីរ៉ង់អស់ជាងសប្តាហ៍ ដោយមានអ្នកស្លាប់ និងរងរបួសរាប់រយនាក់។ អុីស្រាអែលអះអាងថា អុីរ៉ង់កំពុងខិតជិតផលិតអាវុធនុយក្លេអ៊ែរ ខណៈអុីរ៉ង់បន្តបញ្ជាក់ថា កម្មវិធីនេះគឺមានបំណងសន្តិភាព។
នាយករដ្ឋមន្រ្តីអុីស្រាអែល បេន្យាមីន ណេតាន្យាហ៊ូ បានសរសើរត្រាំថាជាការសម្រេចចិត្តដ៏ស៊ាំ។ ទន្ទឹមនឹងនេះ អង្គការសហប្រជាជាតិ បានព្រមានថា នេះអាចនាំឲ្យមានការរីករាលដាលនៃអំពើហិង្សា និងគ្រោះថ្នាក់សន្តិសុខអន្តរជាតិ។
នៅសហរដ្ឋអាមេរិក សមាជិកសភាជាប់បញ្ហាច្បាប់ពីការប្រើកម្លាំងយោធា ដោយគ្មានការអនុញ្ញាតពីសភា។ ខណៈសមាជិកខាងសាធារណរដ្ឋ និងសមាជិកខាងប្រជាធិបតេយ្យមានទស្សនៈផ្ទុយគ្នា ទាក់ទងនឹងសកម្មភាពនេះ។
អត្ថបទពីកញ្ញា ហេង គីមជូ
