លោកXi Jinping៖ “ខ្ញុំសង្ឃឹមថា នឹងអាចទទួលមរតកនិងស្រូបយកគុណសម្បត្តិដ៏មានតម្លៃនិងថ្លៃថ្នូរពីឪពុករបស់ខ្ញុំ”។ លោកXi Jinpingបានសរសេរក្នុងសំបុត្រមួយច្បាប់ទៅកាន់ឪពុករបស់លោក Xi Zhongxunកាលពីជាង ២០ឆ្នាំមុន។
លោក Xi Zhongxunដែលជាអ្នកបដិវត្តន៍ដែលមកពីតំបន់ដីលឿនមានមនោសញ្ចេតនាយ៉ាងជ្រាលជ្រៅចំពោះប្រជាជន។ ពាក្យសម្ដីនិងទង្វើរបស់ឪពុកបានជះឥទ្ធិពលយ៉ាងជ្រាលជ្រៅដល់ចរិតលក្ខណៈរបស់លោក Xi Jinping ហើយបានពង្រឹងប្រាជ្ញាចិត្តរបស់លោកក្នុងការលះបង់ខ្លួនសម្រាប់បុព្វហេតកុម្មុយនីស្ត និងបម្រើប្រទេសនិងប្រជាជន។
“ឪពុករបស់ខ្ញុំគឺសន្សំសំចៃរហូតដល់មានភាពឃោរឃៅ។ការអប់រំក្នុងគ្រួសារដ៏តឹងរឹងរបស់លោកក៏ត្រូវបានគេស្គាល់ផងដែរ។យើងបានអភិវឌ្ឍទម្លាប់នៃការសន្សំសំចៃនិងឧស្សាហ៍ព្យាយាមក្រោមការអប់រំរបស់លោកតាំងពីកុមារភាព”។សំបុត្រខួបកំណើតនេះដែលសរសេរដោយលោក Xi Jinpingទៅកាន់ឪពុកគឺពោរពេញទៅដោយការគោរពរបស់កូនប្រុសចំពោះឪពុក។
ឥរិយាបឋគ្រួសារនិងការអប់រំគ្រួសារគឺជាទ្រព្យសម្បត្តិដ៏មានតម្លៃបំផុតរបស់គ្រួសារមួយ និងជាមរតកដ៏ល្អបំផុតសម្រាប់មនុស្សជំនាន់ក្រោយ។
លោក Xi Zhongxunធ្លាប់បាននិយាយថា “សម្រាប់សមាជិកបក្សកុម្មុយនីស្ត តើអ្វីដែលអាចរីករាយនិងមោទនភាពជាងការធ្វើការងារបន្ថែមទៀតសម្រាប់បក្ស!”ពាក្យសម្ដីនិងទង្វើរបស់ឪពុកបានបង្រៀនលោកXi Jinpingពីរបៀបធ្វើជាមនុស្សដែលមានផលប្រយោជន៍ សុទ្ធសាធសម្រាប់ប្រជាជន និងជំរុញលោកឱ្យលះបង់ជីវិតសម្រាប់បុព្វហេតុបម្រើប្រជាជន៕
