នាយករដ្ឋមន្ត្រីថៃ និងគណៈប្រតិភូ អញ្ជើញមាតុភូមិនិវត្ត បន្ទាប់ពីបញ្ចប់ទស្សនកិច្ចផ្លូវការរយៈពេល២ថ្ងៃ នៅកម្ពុជា

ភ្នំពេញ៖ នៅរសៀលថ្ងៃទី២៤ ខែមេសា ឆ្នាំ២០២៥នេះ លោកជំទាវ ផែថងថាន ស៊ីណាវ៉ាត់ (Paetongtarm Shinawatra) នាយករដ្ឋមន្ត្រី នៃព្រះរាជាណាចក្រថៃ និងស្វាមី ព្រមទាំងគណៈប្រតិភូ អញ្ជើញមាតុភូមិនិវត្ត បន្ទាប់ពីបានបញ្ចប់ទស្សនកិច្ចផ្លូវការរយៈពេល២ថ្ងៃ នៅព្រះរាជាណាចក្រកម្ពុជា។

អំឡុងទស្សនកិច្ចនៅកម្ពុជា លោកជំទាវ ផែថងថាន ស៊ីណាវ៉ាត្រ បានចូលគាល់ព្រះមហាក្សត្រ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា, ជួបប្រជុំទ្វេភាគីជាមួយ សម្តេចមហាបវរធិបតី ហ៊ុន ម៉ាណែត ព្រមទាំងជួបសម្តែងការគួរសមជាមួយ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភាផងដែរ។

ជាមួយគ្នានេះលោកជំទាវ ផែផងថាន ស៊ីណាវ៉ាត្រ ក៏បានអញ្ជើញ គោរពវិញ្ញាណក្ខន្ធនៅវិមានឯករាជ្យ និងបំពាក់កម្រងផ្កាគោរពព្រះវិញ្ញាណក្ខន្ធ ព្រះបរមរតនកោដ្ឋថែមទៀតផងដែរ៕