សមាគមអតីតយុទ្ធជនកម្ពុជាខេត្តកោះកុង នាំយកថវិកា និងសម្ភារៈ អំណោយដ៏ថ្លៃថ្លារបស់សម្តេចធិបតី និងលោកជំទាវ ទៅប្រគល់ជូនអតីតយុទ្ធជន ដែលរងគ្រោះដោយសារភ្លើងឆេះផ្ទះ
ភ្នំពេញ៖ នាថ្ងៃទី១៥ ខែ មីនា ឆ្នាំ២០២៥ ឧត្តមសេនីយ៍ត្រី ជួន សុភ័ក្រ មេបញ្ជាការ និងជាប្រធានសមាគមអតីតយុទ្ធជនកម្ពុជាខេត្តកោះកុង បានដឹកនាំក្រុមការងារ ស អ ក នាំយកអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវ ពេជ ច័ន្ទមុនី រួមមានហ្វីប្រូស៊ីម៉ង់ត៍ ចំនួន៩០ សន្លឹក អង្ករ២ បាវ មី២កេស ទឹកត្រី ទឹក ស៊ីអ៊ីវ មុង ភួយ និងថវិកាចំនួន ៥០ ម៉ឺនរៀល រួមជាមួយថវិកាសប្បុរសជនចំនួន១៥ ម៉ឺនរៀល ទៅប្រគល់ជូនលោក. មាន សាមន (និវត្តជន) ជាសមាជិក ស អ ក ដែលរងគ្រោះដោយអគ្គីភ័យ ឆាបឆេះផ្ទះទាំងស្រុង កាលពីថ្ងៃទី១៤ ខែមីនា ឆ្នាំ២០២៥ នៅភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង ។
ឆ្លៀតយកឳកាសនោះដែរក្នុងនាមប្រធានសមាគមអតីតយុទ្ធជនកម្ពុជាខេត្តកោះកុង សូមចូលរួមសំដែងនូវការសោកស្តាយចំពោះហេតុការណ៍ដែលបានកើតឡើងនេះដែលវាធ្វើអោយបាត់បង់ទីជំរកស្នាក់នៅ ទ្រព្យសម្បត្តិ របស់របរប្រើប្រាស់ផ្សេងៗ។
ជាទីបញ្ចប់លោក មាន សាមន (និវត្តជន) សមាជិក សអក បានសំដែងនូវការដឹងគុណជាអនេក ចំពោះសម្តេចមហាបវរធិបតី ហ៊ុន ម៉ាណែត និងលោកជំទាវ ដែលតែងគិតគូរ នុងដោះស្រាយបានទាន់ពេលវេលាជូនអតីតយុទ្ធជន ក៍ដូចជាប្រជាពលរដ្ឋទូទៅ ពេលដែលជួបការលំបាកខ្វះខាត។ សូមជូនពរសម្តេច និងលោកជំទាវ ព្រមទាំងបុត្រាបុត្រី សូមមានសុខភាពល្អបរិបូរ កម្លាំងខ្លាំងក្លា ប្រាជ្ញា ឈ្លៀសវៃ ដើម្បីបន្តដឹកនាំប្រទេសកម្ពុជាអោយកាន់តែរីកចំរើន និងអភិវឌ្ឍឥតឈប់ឈរ ៕
