សម្តេចធិបតី និងលោកជំទាវបណ្ឌិត ឧបត្ថម្ភសម្ភារប្រើប្រាស់មួយចំនួន ជូនអង្គភាព តំបន់ប្រតិបត្តិការសឹងរងព្រះវិហារ

ភ្នំពេញ៖ នៅថ្ងៃទី១៣ ខែមីនា ឆ្នាំ២០២៥ ឯកឧត្តម នាយឧត្តមសេនីយ៍ គឹម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី បានជួបសំណេះសំណាល និងពាំនាំនូវការផ្ដាំផ្ញើសួរសុខទុក្ខ ព្រមទាំងប្រគល់នូវសម្ភារប្រើប្រាស់មួយចំនួន ដែលជាអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ជូនដល់អង្គភាព តំបន់ប្រតិបត្តិការសឹងរងព្រះវិហារ តាមរយ: ឯកឧត្ដម ឧត្ដមសេនីយ៍ទោ ច័ន្ទ សុភ័ក្រ្តា មេបញ្ជាការ តំបន់ប្រតិបត្តិការសឹងរងព្រះវិហារ សម្រាប់ប្រើប្រាស់ តាមតម្រូវការចាំបាច់ជាក់ស្ដែង ជាពិសេសចុះចែកជូនដល់ គ្រួសារយោធិន អតីតយុទ្ធជន និងប្រជាពលរដ្ឋក្រីក្រដែលកំពុងជួបការលំបាក ។

ឯកឧត្ដម ឧត្ដមសេនីយ៍ទោ ច័ន្ទ សុភ័ក្រ្តា មេបញ្ជាការ តំបន់ប្រតិបត្តិការសឹងរងព្រះវិហារ ជួសមុខ ឱ្យ ថ្នាក់ដឹកនាំ នាយទាហាន នាយទាហានរង និងពលទាហានទាំងអស់ បានថ្លែងអំណរអរគុណយ៉ាងជ្រាលជ្រៅជូនចំពោះ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត សម្តេចតែងតែគិតគូរពីសុខទុក្ខ និងផ្តល់ជាសម្ភារ គ្រឿងឧបភោគបរិភោគជូនដល់ នាយទាហាន នាយទាហានរង និងពលទាហានទាំងអស់ ទូទាំងកងយោធពលខេមរភូមិន្ទ មិនថាអង្គភាព តំបន់ប្រតិបត្តិការសឹងរងព្រះវិហារ នោះទេ និងសូមឱ្យ សម្តេច មហាបវរធិបតី និងលោកជំទាវ ព្រមទាំងក្រុមគ្រួសារ សូមជួបតែពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លាងឃ្លាតឡេីង៕