លោក យឹម សំណាង ដឹកនាំកិច្ចប្រជុំប្រចាំត្រីមាសទី១ ស្ដីពីការបូកសរុបលទ្ធផលការងារ លើកទិសដៅបន្តនិងពង្រឹងសមត្ថភាពនៃការពិការដ្ឋាន ក្នុងការអនុវត្តកម្មវិធី១.៥M

បន្ទាយមានជ័យ៖ គណៈកម្មាធិការបណ្ដុះបណ្ដាលខេត្តបន្ទាយមានជ័យ (PTB-BMC) បានរៀបចំបើកកិច្ចប្រជុំប្រចាំត្រីមាសទី១ ស្ដីពីការបូកសរុបលទ្ធផលការងារលើកទិសដៅបន្តនិងពង្រឹងសមត្ថភាពការងារលេខាធិការដ្ឋាន (PTB-BMC) ក្នុងការអនុវត្តកម្មវិធី១.៥លាននាក់ ក្រោមអធិបតីភាពលោក យឹម សំណាង អភិបាលរងខេត្ត តំណាងឱ្យឯកឧត្តម អ៊ុំ រាត្រី អភិបាលខេត្តបន្ទាយមានជ័យ ដោយមានការអញ្ជើញចូលរួមពីរលោក កូវ ម៉េង តំណាងដៃគូអភិវឌ្ឍន៍ស្វីសខនថែក់ និងអ្នកសម្របសម្រួលកម្មវិធីPTB ថ្នាក់ជាតិ លោក ហេង ចាន់ តំណាងក្រសួងការងារនិងជាអនុប្រធានគោលនយោបាយ និងយុទ្ធសាស្ត្រ លោកស្រី សំរិទ្ធ សូរ្យជាតិ ប្រធានលេខាធិការដ្ឋានគណៈកម្មាធិការបណ្ដុះបណ្ដាលខេត្ត និងលោក លោកស្រី អភិបាល.អភិបាលរងក្រុង ស្រុក មន្ទីរអង្គភាព ពាក់ព័ន្ធ និងតំណាងអង្គការ ថ្ងៃអង្គារ៍ ទី១១ ខែមិនា ឆ្នាំ២០២៥ នៅប្រជុំវិទ្យាស្ថានពហុបច្ចេកទេសខេត្តបន្ទាយមានជ័យ។

លោកស្រី សំរិទ្ធ សូរ្យជាតិ ប្រធានលេខាធិការដ្ឋានគណៈកម្មាធិការបណ្ដុះបណ្ដាលខេត្ត បានឡើងរាយការណ៍ឲ្យដឹងថា៖ វឌ្ឍនភាពការងារបណ្តុះបណ្តាលក្នុងឆ្នាំ២០២៥ក្នុងត្រីមាសទី១ និងលើទិសដៅបន្តអោយគ្រប់និងផែនការបណ្តុះបណ្តាលក្នុងឆ្នាំចំនួនសិស្សចូលរៀនមាន២២០០នាក់ និងត្រូវអោយសិស្សមានការងារធ្វី៧០-៨០%ផងដែរ។ក្នុងស្ថិតិសិស្សដែលកំពុងសិក្សាមានចំនួនសរុប១,៤៣៨នាក់ស្រី៤៥៥។

លោកស្រី សំរិទ្ធ សូរ្យជាតិ បានបញ្ជាក់ថា៖សម្រាប់ក្នុងឆ្នាំ២០២៥ មានចំនួន៦០៨នាក់ស្រី១៥០នាក់ សិស្សគោលដៅ១៧២ស្រី៦៨នាក់សិស្ស ទូទៅ៤៣៦នាក់/ស្រី៨២នាក់សរុបវគ្គបណ្តុះបណ្តាល២៥វគ្គ ក្នុងនោះមានបីវេន ចន្ទ-ស្រុក (ព្រឹក -រសៀល)៣៤២នាក់ស្រី៤៩នាក់វេនចន្ទ-ស្រុក(យប់)១៥នាក់ស្រី៥នាក់វេនសៅរ៏-អាទិត្យ ២៥១នាក់ស្រី៧៦នាក់។

ថ្លែងនៅក្នុងឱកាសនោះលោក យឹម សំណាង អភិបាលរងខេត្តបានមានប្រសាសន៍លើកឡើងថា៖កិច្ចប្រជុំប្រចាំត្រីមាសទី១ នាពេលនេះពិតជាមានសារៈសំខាន់ ក្នុងការពង្រឹងការងារ និងស្វែងរកកន្លែងចុះហាត់ការ និងស្វែងរកការងារដែលសិស្ស ១.៥លាននាក់ ដែលបានបញ្ចប់ការសិក្សាអស់ រយៈពេល៨ខែ និងបន្តយន្តការជួយផ្សព្វផ្សាយបន្ថែមអោយកាន់តែទូលំទូលាយក្នុងក្រុមហ៊ុនសហគ្រាស របស់អស់លោក លោកស្រី និងត្រូវកំណត់មុខសញ្ញាឲ្យបានច្បាស់លាស់ សម្រាប់សិស្សដែលចង់បន្ថែម សមត្ថភាពជំនាញរបស់ខ្លួន ងាយស្រួលដល់វិទ្យាស្ថានចុះទៅតំរងទិសក្នុងការចុះឈ្មោះចូលរៀន ក្នុងការ បង្កើនសមតិភាពការងាររបស់កម្មករ និយោជិក។

លោក យឹម សំណាង បានបញ្ជាក់ថា៖ ថ្ងៃនេះយើងបានជួបជុំគ្នា និងបានជជែករកគន្លឹះដោះស្រាយលើបញ្ហាជំនាញបច្ចេកទេស កម្មវិធីសិក្សា និងការស្នើសុំចុះកម្មសិក្សារបស់សិស្សបានកាន់តែចំនួនច្រើន ដើម្បីពង្រីកវិសាលភាពវិស័យអប់រំបណ្តុះ បណ្តាលបច្ចេកទេស និងវិជ្ជាជីវៈ អោយស្របនឹងទីផ្សារការងារបច្ចុប្បន្ន និងអនាគត់។ ជាពិសេស ស្របទៅតាមអនុសាសន៍ដ៏ខ្ពង់ខ្ពស់របស់ប្រមុខរាជរដ្ឋាភិបាល ដែលមានសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា៖គោលដៅនៃការបណ្ដុះបណ្ដាលនេះគឺ(ឲ្យចប់ ឲ្យចេះ ឲ្យមានការងារ)៕