លោក Donald Trump ប្រកាសថា សហរដ្ឋអាមេរិកនឹង បញ្ឈប់ការផ្តល់មូលនិធិសហព័ន្ធទាំងអស់ ដល់អាហ្វ្រិកខាងត្បូង
បរទេស៖ ប្រធានាធិបតីអាមេរិក Donald Trump បានប្រកាសកាលពីថ្ងៃសុក្រថា សហរដ្ឋអាមេរិកនឹងបញ្ឈប់ការផ្តល់មូលនិធិ សហព័ន្ធទាំងអស់ ដល់អាហ្វ្រិកខាងត្បូង ដោយលោកបានហៅ ប្រទេសនេះថាជា កន្លែងដ៏អាក្រក់ និងផ្តល់នូវដំណើរការផ្លាស់ប្តូរទីលំនៅដ៏លឿន មួយដល់ពលរដ្ឋទាំងឡាយណាដែលចង់ចាកចេញ។ នេះបើយោងតាមការចេញផ្សាយរបស់ RT ។
ការកត់សម្គាល់របស់លោក Trump កើតឡើង ចំពេលមានភាពតានតឹង កាន់តែខ្លាំងឡើង រវាងទីក្រុងវ៉ាស៊ីនតោន និងរដ្ឋាភិបាលទីក្រុងព្រីតូរីយ៉ា Pretoria ជុំវិញច្បាប់ស្តីពីការដកហូតដីធ្លីដ៏ចម្រូង ចម្រាសដែលត្រូវបានអនុម័ត ដើម្បីដោះស្រាយវិសមភាពជាតិសាសន៍នៅក្នុងកម្មសិទ្ធិ ដីធ្លីនៅអាហ្វ្រិកខាងត្បូង។
កាលពីដើមខែនេះ លោក Trump បានថ្កោលទោស ច្បាប់នេះថាជា សកម្មភាពដ៏អាក្រក់ ហើយបានចុះហត្ថ លេខាលើបទបញ្ជា ប្រតិបត្តិដែលណែនាំភ្នាក់ងាររដ្ឋាភិបាល សហរដ្ឋអាមេរិកឱ្យបញ្ឈប់ជំនួយ ដល់ប្រទេសនេះតែម្តង។
លោក Trump បានសរសេរនៅ លើបណ្តាញសង្គម Truth Social របស់លោកថា ៖ អាហ្រ្វិកខាងត្បូង កំពុងក្លាយជារឿងដ៏ គួរឱ្យភ័យខ្លាច ចំពោះ កសិកររយៈពេលយូរ ណាស់មកហើយ នៅក្នុងប្រទេសហើយពួកគេកំពុងរឹបអូស យកដី និងចម្ការរបស់ពួកគេ ហើយនឹងរឿងអាក្រក់ ជាងនោះច្រើនទៀត។បន្ថែមពីនោះផងដែរ គាត់ក៏បានបន្ត ការអញ្ជើញដល់កសិករអាហ្រ្វិកខាងត្បូង ទាំងអស់ដែលចង់ ភៀសខ្លួនដោយហេតុផល សុវត្ថិភាព ព្រមទាំងសន្យាថាវាគឺ ជាផ្លូវដ៏ឆាប់រហ័សដើម្បីទៅកាន់ កាប់សញ្ជាតិអាមេរិក៕
