អ្នកឃ្លាំមើលសង្គ្រាម៖ មនុស្សជាង១ពាន់នាក់ ត្រូវបានសម្លាប់ក្នុងរយៈពេលពីរថ្ងៃនៃការប៉ះទង្គិចគ្នារវាងកងកម្លាំងសន្តិសុខ និយមថ្មីរបស់ស៊ីរី

បរទេស៖ អ្នកឃ្លាំមើលសង្គ្រាមបានរាយការណ៍ថា មនុស្សជាង១ពាន់នាក់ ត្រូវបានសម្លាប់ក្នុងរយៈពេលពីរថ្ងៃនៃការប៉ះទង្គិចគ្នារវាងកងកម្លាំងសន្តិសុខដែលមានទំនាក់ទំនងជាមួយមេដឹកនាំអ៊ិស្លាមនិយមថ្មីរបស់ប្រទេសស៊ីរី និងអ្នកប្រយុទ្ធមកពីនិកាយ Alawite របស់លោក បាសា អាលអាសាធ នៅក្នុងតំបន់ឆ្នេរសមុទ្ររបស់ប្រទេស។

ក្រុមឃ្លាំមើលសិទ្ធិមនុស្សស៊ីរីបាននិយាយថា អ្នកស្លាប់បាត់បង់ជីវិត រួមមាន ជនស៊ីវិល ៧៤៥នាក់ សមាជិក១២៥នាក់នៃកងកម្លាំងសន្តិសុខស៊ីរី និងយុទ្ធជន១៤៨នាក់ដែលគាំទ្រលោក អាសាធ។

លោក Rami Abdulrahman ប្រធានក្រុមអ្នកឃ្លាំមើលបានឱ្យដឹងថា ការសម្លាប់រីករាលដាលនៅទីក្រុង Jableh, Baniyas និងតំបន់ជុំវិញទីក្រុង Alawite របស់ប្រទេសស៊ីរី គឺជាអំពើហិង្សាដ៏អាក្រក់បំផុតសក្នុងជម្លោះស៊ីវិល។

លោកបានបន្តថា ជនរងគ្រោះ រួមមានស្ត្រី និងកុមារមកពីជនជាតិភាគតិច Alawite។ អាជ្ញាធរកាន់អំណាចថ្មីបានចាប់ផ្តើមការបង្រ្កាបលើការបះបោរដែលផ្ទុះឡើងបន្ទាប់ពីការវាយឆ្មក់យ៉ាងសាហាវដោយពួកសកម្មប្រយុទ្ធដែលមានទំនាក់ទំនងជាមួយរដ្ឋាភិបាលរបស់អតីតប្រធានាធិបតី អាសាធ។

ប្រភពពីក្រសួងការពារជាតិបានប្រាប់ប្រព័ន្ធផ្សព្វផ្សាយរដ្ឋថា ផ្លូវទាំងអស់ដែលឆ្ពោះទៅឆ្នេរសមុទ្រត្រូវបានបិទដើម្បីបញ្ឈប់ការរំលោភបំពាន និងស្តារភាពស្ងប់ស្ងាត់ឡើងវិញ ដោយកងកម្លាំងសន្តិសុខត្រូវបានដាក់ពង្រាយនៅតាមដងផ្លូវនៃទីក្រុងឆ្នេរសមុទ្រ។

ប្រភពបានបន្ថែមថា គណៈកម្មាធិការគ្រាអាសន្នដែលបង្កើតឡើងដើម្បីត្រួតពិនិត្យការរំលោភបំពាន នឹងបញ្ជូននរណាដែលមិនគោរពតាមបញ្ជារបស់បញ្ជាការយោធាទៅកាន់តុលាការយោធា។ ទំហំនៃអំពើហិង្សានេះធ្វើឱ្យមានការចោទសួរបន្ថែមទៀតអំពីសមត្ថភាពរបស់អាជ្ញាធរគ្រប់គ្រងរដ្ឋអ៊ិស្លាមក្នុងលក្ខណៈរួមបញ្ចូលមួយ ដែលរដ្ឋធានីលោកខាងលិច និងអារ៉ាប់បាននិយាយថា គឺជាកង្វល់ដ៏សំខាន់មួយ។

លោក អាសាធ ត្រូវបានផ្ដួលរំលំកាលពីខែធ្នូឆ្នាំមុន បន្ទាប់ពីការគ្រប់គ្រងជាច្រើនទសវត្សរ៍ដោយគ្រួសាររបស់គាត់ ដែលត្រូវបានសម្គាល់ដោយការគាបសង្កត់យ៉ាងធ្ងន់ធ្ងរ និងសង្រ្គាមស៊ីវិលដ៏បំផ្លិចបំផ្លាញ។