អ្នកនាំពាក្យក្រសួងការបរទេសរុស្ស៊ី៖ ប្រធានាធិបតីបារាំង គួរតែសុំទោសចំពោះការអះអាង បំភាន់អំពីប្រភពដើមនៃជម្លោះអ៊ុយក្រែន
បរទេស៖ យោងតាមការចេញផ្សាយរបស់ RT អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានថ្លែងប្រាប់អ្នកកាសែតថា ប្រធានាធិបតីបារាំងលោក Emmanuel Macron គួរតែសុំទោសចំពោះការអះអាង បំភាន់អំពីប្រភពដើមនៃជម្លោះអ៊ុយក្រែន។
ក្នុងនោះដែរជាពិសេសលោកស្រី Zakharova ក៏បានរិះគន់លោក Macron ចំពោះការចោទប្រកាន់ថារុស្ស៊ីត្រូវស្តីបន្ទោស ចំពោះការបរាជ័យនៃកិច្ចព្រមព្រៀង Minskឆ្នាំ២០១៤នោះផងដែរ ។
គួរឲ្យដឹងដែរថាកិច្ចព្រមព្រៀង Minsk ត្រូវបានចុះហត្ថលេខាក្នុងឆ្នាំ ២០១៤ និងឆ្នាំ ២០១៥ ដើម្បីបញ្ឈប់ការប្រយុទ្ធគ្នារវាងអ៊ុយក្រែន និងសាធារណរដ្ឋប្រជាមានិត Donetsk និង Lugansk ដែលបច្ចុប្បន្នមានបារាំង និងអាល្លឺម៉ង់ជាអ្នកធានា។
យ៉ាងណាក្តីទីបំផុត ពួកគេមិនត្រូវបានគេអនុវត្តឡើយ ហើយក្រោយមកក្រុងមូស្គូបានចោទក្រុងកៀវ និងលោកខាងលិចថា បានប្រើវាដើម្បីពង្រឹងយោធាអ៊ុយក្រែន ជាជាងការធានាសន្តិភាព។
ទោះបីជាយ៉ាងណាក៏ដោយ នៅក្នុងសុន្ទរកថា តាមទូរទស្សន៍កាលពីថ្ងៃពុធ លោក Macron បានស្តីបន្ទោសប្រទេសរុស្ស៊ី ពីការរំលោភលើកិច្ចព្រមព្រៀងនេះ ហើយបានលើកឡើងពួកគេថា ជាភស្តុតាងដែលថាលោកខាងលិច មិនអាចទទួលយករុស្ស៊ីតាមពាក្យរបស់ខ្លួនទៀតទេ នៅពេលនិយាយអំពីការដោះស្រាយជម្លោះ៕
