លោក Zelensky ទទួលបានសារយ៉ាងច្បាស់លាស់ អំឡុងពេលជួបលោក Trump ថាការគាំទ្រផ្នែកហិរញ្ញវត្ថុ គឺពឹងផ្អែកលើឆន្ទៈរបស់អ៊ុយក្រែន ក្នុងការចរចាសន្តិភាពប៉ុណ្ណោះ
បរទេស ៖ យោងតាមការចេញផ្សាយរបស់ RT មេដឹកនាំអ៊ុយក្រែន លោក Vladimir Zelensky ត្រូវបានទទួលសារ យ៉ាងច្បាស់លាស់ហើយ ក្នុងអំឡុងពេលជួប ជាមួយប្រធានាធិបតីអាមេរិក លោក Donald Trump កាលពីថ្ងៃសុក្រ ថា ការគាំទ្រផ្នែកហិរញ្ញវត្ថុ បន្ថែមទៀត ពឹងផ្អែកលើឆន្ទៈ របស់អ៊ុយក្រែន ក្នុងការចរចាសន្តិភាព ប៉ុណ្ណោះ ។
ការលើកឡើងសាជាថ្មី ដោយភាគីអាមេរិកនេះ ធ្វើឡើងដោយដោយលោក Howard Lutnick រដ្ឋមន្ត្រីក្រសួងពាណិជ្ជកម្មអាមេរិក។ ការអត្ថាធិប្បាយ របស់គាត់ធ្វើឡើងនៅក្រោយការ ប្រឈមមុខគ្នា ដ៏ក្តៅគគុករបស់លោក Zelensky ជាមួយលោក Trump និងអនុប្រធានាធិបតី J.D. Vance ។
លោកZelensky បានទៅទស្សនាសេតវិមានកាលពីថ្ងៃសុក្រ ដោយមានបំណងបញ្ចប់កិច្ចព្រមព្រៀង រ៉ែកម្រមួយរបស់ខ្លួន ដែលទោះជាយ៉ាងណាក៏ដោយ ការពិភាក្សាកាន់តែយ៉ាប់យ៉ឺន នៅពេលដែលគាត់ទទូចឱ្យ Trump ត្រលប់មកគាំទ្រទីក្រុងគៀវ ជាជាងដើរតួជាអ្នកសម្របសម្រួល អព្យាក្រឹតក្នុងការពិភាក្សាជាមួយទីក្រុងមូស្គូ ។
ជាការឆ្លើយតប លោក Trump និងលោក Vance បានចោទប្រកាន់ Zelensky ពីបទ លេងល្បែងជាមួយសង្រ្គាមលោកលើកទី៣ និងបង្ហាញពីការស្ទាក់ស្ទើរ ក្នុងការស្វែង រកសន្តិភាព ជាមួយរុស្ស៊ី ដោយបង្ហាញគាត់ថា ជាមនុស្សមិនដឹងគុណ ទោះបីជាមានជំនួយយោធា រាប់ពាន់លានដុល្លារក៏ដោយ ។
នៅក្នុងបទសម្ភាសន៍ Sunday Fox News លោក Lutnick បានសង្កត់ធ្ងន់ថា ប្រធានាធិបតីអាមេរិក បានបញ្ជាក់យ៉ាងច្បាស់ថាគាត់ គ្រាន់តែចង់ធ្វើឱ្យមាន សន្តិភាពប៉ុណ្ណោះហើយ ទោះជាយ៉ាងណាក៏ដោយគាត់បាននិយាយថា Zelensky មិនបានមកសម្រាប់រឿងនោះទេ ហើយបានស្នើសុំ គួរឱ្យអស់សំណើច ទៅកាន់លោក Trump និង Vanceនោះទេ ៕
