មន្ទីរអភិវឌ្ឍន៍ជនបទខេត្តបន្ទាយមានជ័យ រៀបចំបេីកអង្គសិក្ខាសាលា ស្តីពីការអនុវត្តគោលការណ៍ណែនាំស្តីពីការផ្ទៀងផ្ទាត់ស្ថានភាព បញ្ចប់ការបន្ទោបង់ពាសវាលពាសកាល
បន្ទាយមានជ័យ៖ មន្ទីរអភិវឌ្ឍន៍ជនបទខេត្តបន្ទាយមានជ័យ បានរៀបចំបេីកអង្គសិក្ខាសាលា ស្តីពីការអនុវត្តគោលការណ៍ណែនាំស្តីពីការផ្ទៀងផ្ទាត់ស្ថានភាព បញ្ចប់ការបន្ទោបង់ពាសវាលពាសកាល ជូនដល់លោក-លោកស្រី អ្នកពាក់ ព័ន្ធ តំណាងឱ្យអង្គការដៃគូរអភិវឌ្ឍន៍នានាដែល ធ្វើការងារលើវិស័យផ្គត់ផ្គង់ទឹក និងអនាម័យជនបទ ដែលប្រារព្ធ ធ្វេីឡេីងនាថ្ងៃទី១៧ ខែកុម្ភៈ ឆ្នាំ ២០២៥។
យោងតាមរបាយការរបស់មន្ទីរអភិវឌ្ឍន៍ជនបទខេត្ត គិតត្រឹមថ្ងៃទី៨ ខែកុម្ភៈ ឆ្នាំ២០២៥ ទទួលបានលទ្ធផលដូចខាងក្រោម ១. ចំនួនភូមិ ODF ផ្ទៀងផ្ទាត់រួច សរុបៈ ៦៥៣ភូមិ ទូទាំងខេត្ត, ២. ចំនួនភូមិបាន ODF មិនទាន់ផ្ទៀងផ្ទាត់ សរុបៈ ១៥ភូមិ, ៣. ចំនួនឃុំ ODF បានផ្ទៀងផ្ទាត់រួច សរុបៈ ៦៥ឃុំ/៦៧ឃុំ, ៤. ចំនួនឃុំ ODF មិនទាន់ផ្ទៀងផ្ទាត់ សរុប: ២ឃុំ, ៥. ចំនួនស្រុក ODF មិនទាន់ផ្ទៀងផ្ទាត់ សរុបៈ ៨ស្រុក, ៦. ចំនួនស្រុក កំពង់ជម្រុញ និងផ្ទៀងផ្ទាត់ សរុបៈ ១ស្រុក, ៧. ចំនួនភូមិទទួលបានប័ណ្ណសរសើរ សរុបៈ១៥៩ភូមិ, ៨. ឃុំទទួលបានប័ណ្ណសរសើរ សរុបៈ១០ឃុំ/៦៧ឃុំ-សង្កាត់, ៩.ក្រុង-ស្រុកបានប្រកាសផ្ទៃក្នុង និងដាក់សំណើស្នើសុំក្រុមផ្ទៀងផ្ទាត់ថ្នាក់ខេត្ត ចុះផ្ទៀង ផ្ទាត់ មាន ចំនួន០៣ក្រុង-ស្រុក(ស្រុកភ្នំ ស្រុក, ស្រុកស្វាយចេក និងស្រុកថ្មពួក)។
លោក ជា យុទ្ធារុណ ប្រធានមន្ទីរអភិវឌ្ឍជនបទ បានឱ្យ ដឹងថា យោងតាមរបាយការណ៍ខាងលេី បើគិតជាភាគរយសម្រេច បាន ចំនួន៨៩% រួចហើយ។ ប៉ុន្តែនៅខ្វះធនធានថវិកាមួយ ចំនួនទៀតក្នុងការ គាំទ្រដល់ក្រុមគណៈកម្មការខេត្ត ចុះផ្ទៀងផ្ទាត់ស្ថានភាពបញ្ចប់ការបន្ទោបង់ពាសវាលពាសកាលនៅតាមបណ្តាក្រុង-ស្រុក ព្រោះតាមការពិភាក្សារវាងមន្ទីរអភិវឌ្ឍន៍ ជាមួយអង្គការទស្សនៈពិភពលោក ប្រចាំ តំបន់ ប្រតិបត្តិខេត្តបន្ទាយមានជ័យ និងខេត្តបាត់ដំបង បានឱ្យដឹងថា អង្គការទស្សនៈពិភពលោក មានការគាំទ្រតែក្នុងតំបន់គោលដៅប៉ុណ្ណោះ(ស្រុកមង្គលបូរី ស្រុកថ្មពួក ស្រុកស្វាយចេក ស្រុកភ្នំស្រុក និងស្រុកព្រះនេត្រព្រះ) រីឯបួនក្រុង-ស្រុកទៀតនៅមិនទាន់មានអ្នកគាំទ្រនៅឡើយ។ ព្រមទាំងធនធាន ថវិកាសម្រាប់ប្រារព្វពិធីប្រកាសខេត្តជាខេត្តបញ្ចប់ការបន្ទោបង់ពាសវាលពាសកាលផងដែរ៕
