លោក Netanyahu៖ អ៊ីស្រាអែលបានពន្យារផែនការទម្លាក់គ្រាប់បែកនុយក្លេអ៊ែររបស់អ៊ីរ៉ង់មួយទសវត្សរ៍
បរទេស៖ នាយករដ្ឋមន្ត្រីអ៊ីស្រាអែល លោក Benjamin Netanyahu បានឲ្យដឹងថា អ៊ីរ៉ង់ប្រហែលជាអាចបង្កើតអាវុធនុយក្លេអ៊ែរកាលពីដប់ឆ្នាំមុន ប្រសិនបើរដ្ឋជ្វីហ្វមិនបានចាត់វិធានការ។ លោកបានអះអាងថា មហិច្ឆតានុយក្លេអ៊ែររបស់ទីក្រុងតេអេរ៉ង់នៅតែជាការគំរាមកំហែង។
ការអត្ថាធិប្បាយនេះកើតឡើងតែប៉ុន្មានថ្ងៃប៉ុណ្ណោះបន្ទាប់ពីកាសែត New York Times បានរាយការណ៍ថាអ្នកវិទ្យាសាស្ត្រអ៊ីរ៉ង់កំពុងធ្វើការលើវិធីសាស្រ្តលឿនជាងមុនក្នុងការអភិវឌ្ឍអាវុធនុយក្លេអ៊ែរ។
យោងតាមប្រភពស៊ើបការណ៍សម្ងាត់របស់សហរដ្ឋអាមេរិក ក្រុមអ្នកវិទ្យាសាស្ត្រដែលមានមូលដ្ឋាននៅទីក្រុងតេអេរ៉ង់ ត្រូវបានគេផ្តល់ភារកិច្ចក្នុងការស្វែងរកវិធីថ្មីដើម្បីផលិតគ្រាប់បែកបរមាណូ។
របាយការណ៍នេះក៏បានបង្ហាញផងដែរថា ការស៊ើបការណ៍សម្ងាត់ថ្មីគឺស្ថិតក្នុងចំណោមប្រធានបទដែលបានពិភាក្សាក្នុងអំឡុងពេលដំណើរទស្សនកិច្ចផ្លូវរដ្ឋរបស់លោក Netanyahu ទៅកាន់សហរដ្ឋអាមេរិកក្នុងសប្តាហ៍នេះ។
