ឯកឧត្តមបណ្ឌិត គឹម សន្តិភាព ចុះពិនិត្យស្ថានភាពជាក់ស្តែងនៃការផ្តល់សេវាថ្កោលទោសនៅទីតាំងបណ្តោះអាសន្នក្នុងសណ្ឋាគារកាំបូឌីយ៉ាណា
ភ្នំពេញ៖ នាព្រឹកថ្ងៃព្រហស្បតិ៍ ២កើត ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០ ខែមករា ឆ្នាំ២០២៥ ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ ទទួលបន្ទុកអគ្គនាយកដ្ឋានកិច្ចការទោសព្រហ្មទណ្ឌ បានអញ្ជើញពិនិត្យស្ថានភាពជាក់ស្តែងនៃការផ្តល់សេវាថ្កោលទោសនៅទីតាំងបណ្តោះអាសន្នក្នុងសណ្ឋាគារកាំបូឌីយ៉ាណា។
ការចុះពិនិត្យអំពីស្ថានភាពជាក់ស្តែងនេះ ក្នុងបំណងសិក្សាអំពីតម្រូវការជាក់ស្តែងនានាបន្ថែមទៀត សម្រាប់ការផ្តល់សេវាឱ្យបានកាន់តែប្រសើរ ជាពិសេសនៅពេលដាក់ឱ្យដំណើរការទីតាំងផ្តល់សេវាថ្កោលទោសថ្មីនៅទីស្តីការក្រសួងយុត្តិធម៌នាពេលខាងមុខនេះ។
នាឱកាសនោះ ឯកឧត្តមបណ្ឌិត ក៏បានផ្តល់ការណែនាំមួយចំនួនបន្ថែមដល់មន្ត្រីដែលកំពុងបម្រើសេវាថ្កោលទោស ធ្វើយ៉ាងណាត្រូវខិតខំបំពេញភារកិច្ចឱ្យបានកាន់តែល្អប្រសើរថែមទៀត ជូនប្រជាពលរដ្ឋដែលជាអ្នកស្នើសុំសេវានេះ ជាមួយគ្នានោះក៏ត្រូវពិនិត្យផ្ទៀងផ្ទាត់ឯកសារឱ្យបានច្បាស់លាស់ ត្រឹមត្រូវ ចៀសវាងមានកំហុសណាមួយលើកិច្ចការនេះជាយថាហេតុ ៕
