ស.ស.យ.ក. ខេត្តកោះកុង បើកវគ្គបណ្តុះបណ្តាលស្តីពី “ចំណេះដឹងមូលដ្ឋាន ការផលិតមាតិការ” ជូនសមាជិក សមាជិក ស.ស.យ.ក. ខេត្ត និងសាធារណៈជន
ភ្នំពេញ៖ នៅព្រឹកថ្ងៃទី២៨ ខែធ្នូ ឆ្នាំ២០២៤ លោកជំទាវ មិថុនា ភូថង ប្រធានសហភាពសហព័ន្ធយុវជនកម្ពុជា ខេត្តកោះកុង បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបើកវគ្គបណ្តុះបណ្តាលស្តីពី “ចំណេះដឹងមូលដ្ឋានការផលិតមាតិកា” ដែលនឹងប្រព្រឹត្តិទៅរយៈពេល២ ថ្ងៃ ចាប់ពីថ្ងៃទី២៨ ដល់២៩ ខែធ្នូ ឆ្នាំ២០២៤ នៅសាលមហោស្រពខេត្តកោះកុង ដោយមានការអញ្ជើញចូលរួមពីសំណាក់ លោក លោកស្រី អនុប្រធាន ស.ស.យ.ក. ខេត្តកោះកុង សមាជិកសមាជិកាគណៈអចិន្ត្រៃយ៍ សមាជិកសមាជិក គណៈកម្មាធិការ ស.ស.យ.ក. ខេត្ត សមាជិកសមាជិកា ស.ស.យ.ក. ក្រុង-ស្រុក វិស័យ រួមនឹងសាធារណៈជន ប្រមាណជាង២០០ នាក់។
វគ្គបណ្តុះបណ្តាលនេះ រៀបចំឡើងស្របតាមការវិវត្តន៍យ៉ាងឆាប់រហ័សនៃបច្ចេកវិទ្យាឌីជីថល ដែលយុវជន ប្រជាពលរដ្ឋ បានប្រើប្រាស់បណ្តាញព័ត៌មានសង្គមក្នុងការទំនាក់ទំនង ផ្សព្វផ្សាយ និងកម្សាន្ត ជាដើម ក្នុងនោះការ ផលិតមាតិកាថ្មីៗសំដៅដល់ការផ្សព្វផ្សាយពីតំបន់ទេសចរណ៍នានាដូចជា ម្ហូបអាហារ រមណីយដ្ឋាន កន្លែងស្នាក់នៅ សេវាកម្មផ្សេងៗ ក៏ដូចជាសកម្មភាពការងារក្នុងអង្គភាព តាមរយៈសំណេរ រូបភាពនិងវីដេអូ។
ដោយមើលឃើញពីសារៈសំខាន់នៃការប្រើប្រាស់បណ្តាញសង្គមក្នុងយុគ្គសម័យ បច្ចេកវិទ្យាឌីជីថល និងដើម្បីជម្រុញការផលិតមាតិកាថ្មីៗឲ្យកាន់តែមានប្រសិទ្ធភាព សហភាពសហព័ន្ធ យុវជនកម្ពុជាខេត្តកោះកុង ក្រោមការដឹកនាំប្រកបដោយចក្ខុវិស័យវែងឆ្ងាយ និងទទួលបានគោលការណ៍ ដ៏ខ្ពស់ខ្ពស់ពីសំណាក់លោកជំទាវ មិថុនា ភូថង ប្រធានសហភាពសហព័ន្ធយុវជនកម្ពុជា ខេត្តកោះកុង ក្នុងការរៀបចំបើកវគ្គបណ្តុះបណ្តាល ស្តីពី “ចំណេះដឹងមូលដ្ឋាន ការផលិតមាតិកា (Content)” នេះឡើង៕
