ឯកឧត្តម សរ សុពុត្រា សង្ឃឹមថា ប្រធានសមាគមចិនហុកគៀន ខេត្តហ្វូជាន អគ្គនាយក អគ្គនាយរង ក្រុមហ៊ុន Fujian Shilianda និងមកទស្សនកិច្ចខេត្តស្ទឹងត្រែង

ភ្នំពេញ៖ គណៈប្រតិភូរដ្ឋបាលខេត្តស្ទឹងត្រែង បានទៅដល់ក្រុមហ៊ុន Huadian (Fujian) WINDPOWER Co.,LTD នៅក្នុងតំបន់ ហ្វូ ឈីង គឺជាទីតាំងផលិតថាមពលអគ្គីសនីដោយខ្យល់ធម្មជាតិតាមរយៈកង្ហាល់យក្សចំនួន៤៦គ្រឿង ដែលក្នុង១ឆ្នាំគឺផលិត អគ្គីសនីបានចំនួន១១ពាន់លានគីឡូវ៉ាត់ ។

នៅថ្ងៃដដែលកាពីពេលថ្មីៗនេះ គឺបន្តដំណើរទៅជួបពិភាក្សាជាមួយប្រធានសមាគមចិនហុកគៀន ខេត្តហ្វូ ជាន និងបានចូលជួបអគ្គនាយក អគ្គនាយករង ក្រុមហ៊ុន Fujian Shilianda Supply Chain Co.,Ltd ដែលជារោងចក្រផលិតសម្លៀកបំពាក់ និងសម្ភារៈបង្គុំ។

គួរបញ្ជាក់ថា រោងចក្រនេះ មានផ្ទៃដី ១ម៉ឺនម៉ែត្រការេ ដែលជាក្រុមហ៊ុនគ្របដណ្តប់នៅ ក្វាងចូវ, សៀងហៃ, វូហាន , បង់ក្លាដែស។

ឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង បានមានប្រសាសន៍ថ្លៃងអំណរគុណចំពោះការស្វាគមន៍យ៉ាងកក់ក្តៅ និងការអនុញ្ញាតឱ្យប្រតិភូនៃរដ្ឋបាលខេត្តស្ទឹងត្រែងបានមកធ្វើទស្សនកិច្ចសិក្សា នៅក្រុមហ៊ុន Shilianda ដែលជាក្រុមហ៊ុនមានសក្តានុពល តាមរយៈបទបង្ហាញដែលក្រុមហ៊ុនបានដំណើរការទៅយ៉ាងល្អប្រសើរជាមួយនិងផលិតផលដែលមានការទទួលស្គាល់គម្រិតស្តង់ដា ដែលមានរោងចក្រនៅតាមបណ្តា ប្រទេសមួយចំនួន។

ឯកឧត្តម អភិបាល នៃគណៈអភិបាលខេត្តស្ទឹងត្រែង សង្ឃឹមយ៉ាងមុតមាំថា ថ្នាក់ដឹកនាំរបស់សមាគម និងអគ្គនាយ អគ្គនាយរងក្រុមនិងអញ្ជើញទៅទស្សនកិច្ចនៅព្រះរាជាណាចក្រកម្ពុជា និងអញ្ជើញទៅដល់ខេត្តស្ទឹងត្រែង។

ប្រតិភូរដ្ឋបាលខេត្តស្ទឹងត្រែងដែលបំពេញទស្សនកិច្ចនៅប្រទេសចិន គឺបានឈានទៅរកការទំនាក់ទំនងយ៉ាងស្អិតរមួតជាមួយវិនិយោគិនចិន ដែលជាឱកាសសំរាប់ប្រជាពលរដ្ឋស្ទឹងត្រែង ហើយទទួលបានការអភិវឌ្ឍន៍កាន់តែរីកចម្រើនបន្ថែមទៀត ក្រោមម្លប់នៃសន្តិភាព និងក្រោមការដឹកនាំដ៏ឈ្លាសវៃរបស់សម្តេចបវធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។

ដំណើរទស្សនកិច្ចនេះ គឺទទួលបាននូវបទពិសោធ៍និងស៊ីជម្រៅទៅលើក្រុមហ៊ុននិមួយៗ ដែលត្រូវរំពឹងថានិងអាចទាក់ទាញកៀរគរនូវការវិនិយោគិនទៅខេត្តស្ទឹងត្រែងដ៏ខ្លីខាងមុខនេះ ដែលជាគោលនយោបាយរបស់ ប្រមុខរាជរដ្ឋាភិបាលក្នុងអាណត្តិទី៧ តែងតែគិតគូជានិច្ចចំពោះកិច្ចការអភិវឌ្ឍ និងទំនើបបកម្ម ហើយបានដាក់ចុះនូវកិច្ចចង្អុលការ និងដាក់ទិសដៅមកកាន់អាជ្ញាធរដោយធ្វើយ៉ាងណាឈោងចាប់ ក៏ដូចជាសហការជាមួយអ្នក វិនិយោគក្រៅប្រទេស ដើម្បីបង្កើតការងារឱ្យបានច្រើន សំរាប់ប្រជាពលរដ្ឋ៕