ឯកឧត្តមរដ្ឋមន្ត្រី ជា សុមេធី ដឹកនាំកិច្ចប្រជុំបូកសរុបលទ្ធផលការងារព្យាបាល និងស្តារនីតិសម្បទាអ្នកញៀនគ្រឿងញៀន ឆ្នាំ២០២៤ និងទិសដៅអនុវត្តបន្ត

ភ្នំពេញ៖ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃទី២៤ ខែធ្នូ ឆ្នាំ២០២៤ បានដឹកនាំកិច្ចប្រជុំបូកសរុបលទ្ធផលការងារព្យាបាល និងស្តារនីតិសម្បទាអ្នកញៀនគ្រឿងញៀន ឆ្នាំ២០២៤ និងទិសដៅអនុវត្តបន្ត ។

ដោយក្នុងឱកាសនេះឯកឧត្តមរដ្ឋមន្ត្រី បានគូសបញ្ជាក់ថា វាជាកិច្ចប្រជុំដ៏មានសារៈសំខាន់សម្រាប់ការពិនិត្យ និងវាយតម្លៃក្នុងការផ្តល់សេវាព្យាបាល និងស្តារនីតិសម្បទាអ្នកញៀនគ្រឿងញៀននៅតាមមជ្ឈមណ្ឌលរដ្ឋ ឯកជន និងអង្គការមិនមែនរដ្ឋាភិបាល ក្នុងគោលបំណងឆ្លុះបញ្ចាំងអំពីវឌ្ឍនភាពការងារ និងរកដំណោះស្រាយលើបញ្ហាប្រឈមចម្បងៗដែលបានជួបប្រទះពេលអនុវត្តក្នុងឆ្នាំកន្លងមក និងលើកទិសដៅបន្តអនុវត្ត ដើម្បីបង្កើនប្រសិទ្ធភាពនៃការអនុវត្តការងារព្យាបាល និងស្តារនីតិសម្បទាអ្នកញៀនគ្រឿងញៀនឱ្យកាន់តែប្រសើរថែមទៀត ស្របតាមកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ ។