ឯកឧត្តមបណ្ឌិត ចាយ បូរិន រដ្ឋមន្ត្រីក្រសួងធម្មការនិងសាសនា បានអញ្ជើញដឹកនាំគណប្រតិភូក្រសួងធម្មការនិងសាសនាទៅចូលរួមកិច្ចប្រជុំតុមូលព្រះពុទ្ធសាសសមុទ្រចិនខាងត្បូងឆ្នាំ២០២៤

តាមការអញ្ជើញរបស់ប្រធានលេខាធិការដ្ឋានកិច្ចប្រជុំកំពូលតុមូលព្រះពុទ្ធសាសនាឆ្នាំ២០២៤ នៅថ្ងៃទី១២ខែធ្នូឆ្នាំ២០២៤ ឯកឧត្តមបណ្ឌិត ចាយ បូរិន រដ្ឋមន្ត្រីក្រសួងធម្មការនិងសាសនា បានអញ្ជើញដឹកនាំគណប្រតិភូក្រសួងធម្មការនិងសាសនាទៅចូលរួមកិច្ចប្រជុំតុមូលព្រះពុទ្ធសាសសមុទ្រចិនខាងត្បូងឆ្នាំ២០២៤ លើប្រធានបទ៖ ឫសគល់ក្នុងការ ចែករំលែកព្រះធម៌និងការរួបរួម គ្នាដើម្បីសុខដុមនីយកម្ម សកល ។ចាប់ពីថ្ងៃទី១២ដលថ្ងៃទី១៥ខែធ្នូឆ្នាំ២០១៤ នៅទីក្រុងកាត់ម៉ានឌូនៃសាធារណរដ្ឋសហព័ន្ធប្រជាធិបតេយ្យនេប៉ាល់ក្រោមអធិបតីភាព ឯកឧត្តម ខាត់ហ្កា ប្រាសាដ សាម៉ា អូលី (Khadga PrassadSharma Oli) នាយករដ្ឋមន្រ្តី នៃសាធារណរដ្ឋសហព័ន្ធប្រជាធិបតេយ្យនេប៉ាល់ ។
ក្នុងឱកាសចូលរួមកកិច្ចកំពូលតុមូលព្រះពុទ្ធសាសនាឆ្នាំ២០២៤នេះដែរឯកឧត្តមបណ្ឌិត រដ្ឋមន្ត្រីនឹងថ្លែងសុន្ទរកថាគន្លឹះ ស្តីពីការសាមគ្គីភាព មិត្តភាព និងសហប្រតិបត្តិការល្អ ក្នុងសហគម អន្តរជាតិនិងពិភពលោកដោយ សម្តែងចេញនូវការគោរពស្រឡាញ់ គ្នា ទៅ វិញទៅមកតាមមាគ៌ាព្រះពុទ្ធសាសនាដែលជាសាសនាដ៏ថ្លៃថ្លាបំផុតហើយក៏ជាយានកាត់បន្ថយនិងលុបបំបាត់អកុសលកម្មការទ្រុស្តសីលទានឬអំពើហឹង្សាផងទាំងឡាយនិងចាប់ យកនូវក្តីសុខស្ងប់សុខមាលភាពទាំងចិត្តទាំងកាយដ៏ពេញលេញសម្បូរសប្បាយសុខសន្តិភាពស្ថិរភាពសុខដុមនីយកម្មនៅ ក្នុង តំបន់និងសាកលលោកប្រកបដោយចីរភាពផងដែរ៕