មេបញ្ជាការអាវុធហត្ថខេត្តស្វាយរៀង នាំយកថវិកាសមាគមន៍អតីតមហាគ្រួសារកងរាជអាវុធហត្ថលើផ្ទៃប្រទេស ប្រគល់ជូនដល់គ្រួសារសពនិវត្តជនចំនួន ៣គ្រួសារ
ភ្នំពេញ៖ ដោយបានការអនុញ្ញាតដ៏ខ្ពង់ខ្ពស់ពីឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស នៅរសៀលថ្ងៃទី០៥ ខែធ្នូ ឆ្នាំ ២០២៤ លោកឧត្តមសេនីយ៍ត្រី សុខា រ៉ានាថ មេបញ្ជាការកងរាជអាវុធហត្ថខេត្តស្វាយរៀង និងសហការី បាននាំយកថវិកាសមាគមន៍អតីតមហាគ្រួសារកងរាជអាវុធហត្ថលើផ្ទៃប្រទេស ប្រគល់ជូនដល់គ្រួសារសពនិវត្តជនចំនួន០៣គ្រួសារ។
គ្រួសារចំនួន៣នោះរួមមាន៖
១-គ្រួសារសពវរសេនីយ៍ត្រី កែវ សាន ស្ថិតនៅភូមិបាក់រនាស់ សង្កាត់សង្ឃ័រ ក្រុងស្វាយរៀង។
២-គ្រួសារសពអនុសេនីយ៍ទោ ញឹក ភក្តី ស្ថិតនៅភូមិចំបក់ ឃុំឈើទាល ស្រុកស្វាយជ្រំ។
៣-គ្រួសារសពអនុសេនីយ៍ត្រី ឈឹម វុទ្ធី ស្ថិតនៅភូមិថ្នល់កែង សង្កាត់ពោធី៍តាហោ ក្រុងស្វាយរៀង អតីតយោធិន នៃកងរាជអាវុធហត្ថខេត្តស្វាយរៀង ចូលសោធននិវត្តន៍ ក្នុងមួយគ្រួសារទទួលបានថវិកាចំនួន៥,០០០,០០០រៀល សរុបទាំង០៣គ្រួសារ អស់ថវិកាចំនួន១៥,០០០,០០០រៀល (ដប់ប្រាំលានរៀលគត់)។
លោកឧត្តមសេនីយ៍ មេបញ្ជាការ បានពាំនាំនូវប្រសាសន៍ផ្ដាំផ្ញើសួរសុខទុក្ខពីសំណាក់ ឯកឧត្តម នាយឧត្ដមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស លោកសូមចូលរួមរំលែកទុក្ខដោយក្ដីអាឡោះអាល័យនិងក្រៀមក្រំបំផុតចំពោះមរណភាពរបស់លោកវរសេនីយ៍ត្រី កែវ សាន លោកអនុសេនីយ៍ទោ ញឹក ភក្តី និងលោកអនុសេនីយ៍ត្រី ឈឹម វុទ្ធី សូមឱ្យវិញ្ញាណក្ខន្ធលោកទាំងនោះទៅកើតនៅទីឋានបរមសុខកុំបីឃ្លៀងឃ្លាតឡើយ។
តំណាងក្រុមគ្រួសារបានគោរពថ្លែងអំណរគុណយ៉ាងជ្រាលជ្រៅបំផុតជូនចំពោះឯកឧត្តម នាយឧត្តមសេនីយ៍ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស សូមជួបនូវពុទ្ធពរ៥ប្រការគឺ អាយុ វណ្ណ: សុខ: ពល: និងបដិភាណ:កុំបីឃ្លៀងឃ្លាតឡើយ៕
