ឯកឧត្តម សួស ប្រាថ្នា អញ្ជើញធ្វើសេចក្ដីរាយការណ៍អំពីវឌ្ឍនភាពការងារនៃ ការគ្រប់គ្រងរដ្ឋបាលថ្នាក់ក្រោមជាតិ
ភ្នំពេញ៖ នៅទីស្ដីការក្រសួងមហាផ្ទៃ នាព្រឹកថ្ងៃទី១២ ខែវិច្ឆិកា ឆ្នាំ២០២៤ ឯកឧត្តម សួស ប្រាថ្នា អគ្គនាយកនៃអគ្គនាយកដ្ឋាន ក្រសួងមហាផ្ទៃ អញ្ជើញចូលរួមកិច្ចប្រជុំស្តីពីការគ្រប់គ្រងរដ្ឋបាលថ្នាក់ក្រោមជាតិនិងគោលនយោយបាយភូមិ-ឃុំ-សង្កាត់មានសុវត្ថិភាព ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
ក្នុងកិច្ចប្រជុំនេះ ក៏មានការអញ្ជើញការចូលរួមពីឯកឧត្តមរដ្ឋលេខាធិការប្រចាំការ រដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង និងប្រធានអង្គភាពចំណុះក្រសួងមហាផ្ទៃ ព្រមទាំងមានការចូលរួមពីរដ្ឋបាលរាជធានី ខេត្ត តាមរយៈប្រព័ន្ធវីដេអូពីចម្ងាយ។
សូមជម្រាបជូនដែរថា ក្នុងកិចប្រជុំនេះ ឯកឧត្តម សួស ប្រាថ្នា ក៏បានអញ្ជើញធ្វើសេចក្ដីរាយការណ៍ដោយសង្ខេបនូវវឌ្ឍនភាពការងារនៃការគ្រប់គ្រងរដ្ឋបាលថ្នាក់ក្រោមជាតិ លើចំណុចសំខាន់ៗ ដូចខាងក្រោមក្រោម៖
១. ការងារគ្រប់គ្រងរដ្ឋបាលដែនដី
២. ការងារក្រុមប្រឹក្សារដ្ឋបាលថ្នាក់ក្រោមជាតិ
៣. ការពង្រឹងរចនាសម្ព័ន្ធ និងប្រព័ន្ធគ្រប់គ្រងរដ្ឋបាលថ្នាក់ក្រោមជាតិ
៤. ការពង្រឹង និងអភិវឌ្ឍធនធានមនុស្សនៅរដ្ឋបាលថ្នាក់ក្រោមជាតិ
៥. ការផ្ទេរមុខងារ និងការទទួលខុសត្រូវទៅឱ្យរដ្ឋបាលថ្នាក់ក្រោមជាតិ
៦. ការផ្តល់សេវាតាមយន្តការច្រកចេញចូលតែមួយ និងការសម្រុះសម្រួលបណ្តឹងរបស់ការិយាល័យប្រជាពលរដ្ឋ
៧. វិមជ្ឈការហិរញ្ញវត្ថុ
៨. ការគាំទ្រ តាមដាន ត្រួតពិនិត្យ និងវាយតម្លៃការអនុវត្តថវិកា ឬមូលនិធិរបស់រដ្ឋបាលថ្នាក់ក្រោមជាតិ
៩. ការពង្រឹងទំនាក់ទំនងការងារ និងគណនេយ្យភាពរបស់រដ្ឋបាលថ្នាក់ក្រោមជាតិចំពោះប្រជាពលរដ្ឋ
១០.ការរៀបចំនិងការដាក់ឱ្យប្រើប្រាស់ប្រព័ន្ធឌីជីថលទៅក្នុងប្រព័ន្ធគ្រប់គ្រងរដ្ឋបាលរបស់រដ្ឋបាលថ្នាក់ក្រោមជាតិ
១១. ការផ្សព្វផ្សាយព័ត៌មានជូនប្រជាពលរដ្ឋតាមប្រព័ន្ធបច្ចេកវិទ្យាព័ត៌មាន
១២. ការពង្រឹងយន្តការត្រួតពិនិត្យផ្ទៃក្នុងរបស់រដ្ឋបាលថ្នាក់ក្រោមជាតិ
១៣. កិច្ចសហប្រតិបត្តិការរវាងរដ្ឋបាលថ្នាក់ក្រោមជាតិជាមួយសមាគម អង្គការមិនមែន រដ្ឋាភិបាលក្នុងស្រុក និងទាំងសហគមន៍មូលដ្ឋាន
១៤. បញ្ហាប្រឈម និងដំណោះស្រាយ៕
