អនុរដ្ឋមន្ត្រីថៃ បំពេញទស្សនកិច្ចលើកោះគុត ដើម្បី កាត់ បន្ថយ ការ ភ័យខ្លាចអំពី អធិបតេយ្យភាព ចំពេល មាន ជម្លោះ ជុំវិញ កិច្ច ព្រមព្រៀង ឆ្នាំ ២០០១

បាងកក៖ រាជរដ្ឋាភិបាលថៃបានរំលឹកឡើងវិញថា អនុស្សរណៈនៃការយោគយល់គ្នា ឬ MoU ឆ្នាំ២០០១ ជាមួយកម្ពុជា គឺជាយន្តការមួយការពារផលប្រយោជន៍ល្អបំផុតរបស់ប្រទេសថៃ ខណៈទទូចថា ថៃជាប្រទេសតែមួយគត់ដែលមានអធិបតេយ្យភាពលើកោះគុតក្នុងខេត្តភាគខាងកើត។

អនុរដ្ឋមន្ត្រី ភូមថាំ វិឆាយ៉ាឆៃ (Phumtham Wechayachai) បានធ្វើការធានាអះអាងក្នុងអំលុងទស្សនកិច្ចនៅកោះនេះ ដើម្បីកាត់បន្ថយការព្រួយបារម្ភថា កិច្ចព្រមព្រៀងដែលបានចុះហត្ថលេខានៅពេលលោក ថាក់ស៊ីន ស៊ីណាវ៉ាត្រា ជានាយករដ្ឋមន្ត្រី អាចធ្វើឱ្យប្រទេសថៃបាត់បង់អធិបតេយ្យភាពលើកោះ និងតំបន់ទាមទារត្រួតស៊ីគ្នា (OCA) នៅឈូងសមុទ្ទថៃ។ នៅថ្ងៃដដែលនោះ ប្រធានគណបក្សថៃប៉ាកឌី លោក Warong Dechgitvigrom ជាគូបដិបក្ខចំពោះកិច្ចព្រមព្រៀងរបស់លោក ថាក់ស៊ីន ក៏បានទៅទស្សនាកោះនេះ ដើម្បីដាក់សម្ពាធលើរាជរដ្ឋាភិបាលឱ្យបញ្ចប់កិច្ចព្រមព្រៀងនេះ។

លោកមានបំណងប្រមូលហត្ថលេខាពីប្រជាជនចំនួន១សែននាក់ ដើម្បីគាំទ្រញត្តិរបស់ខ្លួន ក្នុងការចាត់ទុក MoU នេះ ទុកជាមោឃៈ។ យ៉ាងណា រាជរដ្ឋាភិបាល បាន អះអាង ថា ចំណាត់ការនេះ អាច បង្ក គ្រោះថ្នាក់ ដល់ ទំនាក់ទំនង ជាមួយ កម្ពុជា។ ទន្ទឹមគ្នានោះ គណបក្សប្រឡាំងប្រឆារ៉ាត់ ដឹកនាំដោយឧត្តមសេនីយ៍ ប្រាវីដ វង្សស៊ូវ៉ុន (Prawit Wongsuwon) ក៏បានអំពាវនាវឱ្យលុបចោល MoU ផងដែរ។

ជុំវិញបញ្ហានេះ លោក ភូមថាំ ជារដ្ឋមន្ត្រីក្រសួងការពារជាតិបានមានប្រសាសន៍ថា៖«ខ្ញុំជឿថាអ្នកដែលរស់នៅលើកោះនេះនៅតែមានទំនុកចិត្តថាពួកគេជាជនជាតិថៃ ហើយកោះនេះជាកម្មសិទ្ធិរបស់ប្រទេសថៃ»។

លោកបន្ថែមថា រាជរដ្ឋាភិបាលកំពុងព្យាយាមពន្យល់ការពិតប្រឆាំងនឹងពាក្យចចាមអារ៉ាម និងព័ត៌មានក្លែងក្លាយដែលផ្សព្វផ្សាយដោយអ្នកជាតិនិយមជ្រុលអំពី MoU និងកោះគុត បង្កឱ្យមានការភ័ន្តច្រឡំច្រើន។

លោក បន្ត ថា ៖ « ជា ការ ពិត កោះ គុត ជា កម្មសិទ្ធិ របស់ ប្រទេស ថៃ ជា យូរ មក ហើយ ។ ប្រជាជនថៃរស់នៅទីនោះ ហើយការិយាល័យរាជរដ្ឋាភិបាលក៏នៅទីនោះដែរ។ រឿងនេះត្រូវបានកេងប្រវ័ញ្ចដោយសារហេតុផលនយោបាយ។ MOU ឆ្នាំ២០០១ នេះគឺជាយន្តការមួយដើម្បីការពារផលប្រយោជន៍ល្អបំផុតរបស់ប្រទេសថៃ ហើយវាគឺជាឧបករណ៍ដ៏មានអត្ថប្រយោជន៍បំផុតសម្រាប់ការចរចាអំពីអត្ថប្រយោជន៍ដែនសមុទ្ទ ដែលគួរតែត្រូវបានធ្វើឡើងដោយផ្អែកលើការពេញចិត្តរបស់ប្រទេសទាំងពីរ»។

ទន្ទឹមគ្នានោះ នាយករដ្ឋមន្ត្រី ផែថងថាន ស៊ីណាវ៉ាត្រា បានអះអាងនៅមុននេះថា គណៈកម្មាធិការបច្ចេកទេសចម្រុះមួយគួរតែត្រូវបានបង្កើតឡើងក្នុងរយៈពេលពីរសប្តាហ៍ខាងមុខ ដើម្បីចាប់ផ្តើមការចរចាលើតំបន់ដែនសមុទ្ទដែលប្រទេសទាំងពីរទាមទារ។ ទោះជាយ៉ាងនេះក្ដី លោកបណ្ឌិត Warong បានចង្អុលបង្ហាញថា រាជរដ្ឋាភិបាលត្រូវតែស្នើសុំយ៉ាងម៉ឺងម៉ាត់ឱ្យកម្ពុជាផ្តល់សច្ចាប័នលើអនុសញ្ញាអង្គការសហប្រជាជាតិស្តីពីច្បាប់សមុទ្ទ (UNCLOS) មុនពេលភាគីទាំងពីរបន្តកិច្ចចរចាបន្ថែមទៀត។

លោក Warong បានបន្តថា ប្រសិនបើគ្មានការផ្ដល់សច្ចាប័នលើ UNCLOS នោះ កម្ពុជាលើកឡើងពីភាពមិនមែនជាប្រទេសហត្ថលេខី ជាលេសដើម្បីបង្ហាញពីឧបសគ្គក្នុងការចរចានាពេលអនាគត ស្តីពីការកំណត់ព្រំដែនសមុទ្ទដែលមានជម្លោះ។

លោក Warong បន្តថា នៅក្រោម MoU ឆ្នាំ២០០១ តំបន់ OCA ដែលមានផ្ទៃដីសរុប២៦០០០គីឡូម៉ែត្រការ៉េ ត្រូវបានបំបែកជាពីរផ្នែក គឺផ្នែកខាងលើដែលរង់ចាំការចរចាកំណត់ព្រំដែន និងផ្នែកខាងក្រោមដែលត្រូវបានកំណត់សម្រាប់ការអភិវឌ្ឍរួមគ្នាដោយប្រជាជាតិទាំងពីរ។ លោកបានសម្ដែងការខកចិត្តចំពោះការយល់ខុសរបស់នាយករដ្ឋមន្ត្រីអំពីតំបន់ខ្ពង់រាបដែលកម្ពុជាទាមទារនៅជុំវិញកោះគុត។

លោកបានមានប្រសាសន៍ថា ប្រទេសកម្ពុជាបានគូសខ្សែបន្ទាត់ជុំវិញកោះ ដោយមានចេតនាទាមទារសិទ្ធិលើធនធានថាមពលនៅក្នុងតំបន់សមុទ្ទដែលត្រូវបានទទួលស្គាល់ថាជា OCA។ យ៉ាងណា រាជរដ្ឋាភិបាល ថៃ បាន ប្រឆាំង ថា ផែនទី ដែល បាន ដាក់ បញ្ចូល ក្នុង អនុស្សរណៈ យោគយល់ គ្នា នេះ គ្រាន់តែ បង្ហាញ ពី តំបន់ ខ្ពង់រាប ទ្វីប ដែល ប្រទេស នីមួយៗ ទាមទារ ប៉ុណ្ណោះ ហើយ មិន តំណាង ឱ្យ ខ្សែ ព្រំដែន សមុទ្ទនោះ ទេ៕