អាវរងារជាអំណោយដ៏ថ្លៃថ្លារបស់ សម្ដេចតេជោ និងសម្តេចកិតិ្តព្រឹទ្ធបណ្ឌិត សម្តេធិបតី និងលោកជំទាវបណ្ឌិត ត្រូវបានចែកជូនយោធិន ទូទាំងយោធភូមិភាគទី៤
ភ្នំពេញ៖ ឧត្តមសេនីយ៍ទោ សុក រីនណាមេបញ្ជាការរង នាយសេនាធិការ យោធភូមិភាគទី៤ នៅថ្ងៃទី៤ ខែវិច្ឆិកា ឆ្នាំ២០២៤ បានបើកចែកអាវរងារ ដែលជាអំណោយដ៏ថ្លៃថ្លារបស់ សម្ដេចអគ្គមហាសេនាបតីតេជោ ហ៊ុន សែន ប្រធានឧត្តមក្រុមប្រឹក្សាផ្ទាល់ព្រះមហាក្សត្រ និងសម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ជូនដល់យោធិន ទូទាំងយោធភូមិភាគទី៤។
ក្នុងឱកាសនេះដែរ ឧត្តមសេនីយ៍ទោ សុក រីនណា មេបញ្ជាការរង នាយសេនាធិការ យោធភូមិភាគទី៤ បានបញ្ជាក់ថាតាមរយៈ ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ តំណាងដ៏ខ្ពង់ខ្ពស់របស់សម្តេចតេជោ និងសម្តេចកិតិ្តព្រឹទ្ធបណ្ឌិត ឯកឧត្តម នាយឧត្តមសេនីយ៍ បានមានប្រសាសន៍ថា សម្តេចទាំងទ្វេរ និងសម្តេចមហាបវធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី តែងតែគិតគូរដល់សុខទុក្ខ សុខមាលភាពរបស់កងទ័ព និងក្រុមគ្រួសារទ័ព គ្រប់កាលៈទេសៈ តួយ៉ាងនៅក្នុងរដូវភ្លៀងបានចែកអាវភ្លៀង នៅរដូវរងារ បានចែកអាវរងារ ជូនដល់យោធិនគ្រប់ៗរូប ។
ជំនួសមុខឲ្យ នាយទាហាន នាយទាហានរង និងពលទាហាន ទូទាំងយោធភូមិភាគទី៤ លោកមេបញ្ជាការរង នាយសេនាធិការ សូមគោរពថ្លែងអំណរគុណ និងគោរពដឹងគុណយ៉ាងជ្រាលជ្រៅបំផុតជូនចំពោះសម្តេចតេជោ និងសម្តេចកិត្តិព្រឹទ្ធបណ្ឌិត ព្រមទាំងសម្តេចមហាបធិបតី នាយករដ្ឋមន្ត្រីនៃព្រះរាជាណាចក្រកម្ពុជា និងជំទាវបណ្ឌិតដែលជានិច្ចកាលសម្តេចតែងតែយកចិត្តទុកដាក់ គិតគូរពីសុខទុក្ខ សុខមាលភាព និងជីវភាពរស់នៅរបស់កងកម្លាំងប្រដាប់អាវុធគ្រប់ប្រភេទ ជារៀងរាល់ឆ្នាំ ៕
