បញ្ជាការដ្ឋានយោធភូមិភាគពិសេស បើកវគ្គហ្វឹកហ្វឺនបំប៉នជំនាញ យុទ្ធវិធីស៊ើបការស្រាវជ្រាវ និងប្រមូលព័ត៌មាន
ភ្នំពេញ៖ នាថ្ងៃទី៤ ខែវិច្ឆិកា ឆ្នាំ២០២៤ យោធភូមិភាគពិសេស ស្ថិតក្នុងភូមិសាស្ត្រ សង្កាត់រលួស ខណ្ឌដង្កោ រាជធានីភ្នំពេញ បានប្រារព្វពិធីបើកវគ្គហ្វឹកហ្វឺនបំប៉នជំនញយុទ្ធវិធីស៊ើបការស្រាវជ្រាវនិងប្រមូលព័ត៌មាន ប្រចាំឆ្នាំ២០២៤ ក្រោមអធិបតីភាព ឯកឧត្តម ឧត្តមសេនីយ៍ទោ ម៉ាន់ ប៉េងអៀង មេបញ្ជាការរងយោធភូមិភាគពិសេស តំណាងដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក ពូ សាប៊ុតឌី មេបញ្ជាការរងកងទ័ពជើងគោកមេបញ្ជាការយុទ្ធភូមិភាគពិសេស ។
ក្នុងឱកាសនោះ ឯកឧត្តម ម៉ាន់ ប៉េងអៀង មេបញ្ជាការរង បានធ្វើការផ្ដាំផ្ញើដល់សិក្ខាកាមទាំងអស់ក្នុងវគ្គហ្វឹកហ្វឺនបំប៉នជំនាញស៊ើបការស្រាវជ្រាវ និងប្រមូលព័ត៌មាន ត្រូវខិតខំយកចិត្តទុកដាក់ក្នុងការហ្វឹកហ្វឺនរៀនសូត្រនិងអនុវត្តការងារជាក់ស្ដែងដើម្បីបង្កើនបាននូវចំណេះដឹងអំពីជំនាញស៊ើបការស្រាវជ្រាវនិងផ្ដល់ព័ត៌មានឲ្យបានយ៉ាងស្ទាត់ជំនាប្រែក្លាយខ្លួនទៅជាយោធិនដែលមានសមត្ថភាពគ្រប់គ្រាន់ក្នុងការបំពេញភារកិច្ចបានគ្រប់ជំនាញក្នុងកងយោធពលខេមរភូមិន្ទ។
-ត្រូវស្មោះត្រង់ដាច់ខាតជាមួយរាជរដ្ឋាភិបាលស្របច្បាប់ដែលមានសម្ដេចមហាសេនាធិបតី ហ៊ុនម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
-ត្រូវគោរពឲ្យបានដាច់ខាតនូវរាល់វិន័យរបស់កងយោធពលខេមរៈភូមិន្ទ បទបញ្ជា
សារាចរណ៍ សេចក្ដីណែនាំ របស់ថ្នាក់លើ ក្រិតច្បាប់របស់រដ្ឋមត្រូវមានសីលធម៌ល្អអត្តចរិតស្លូតបូសុភាពរាបសារសមស្របជាកងយោធពលខេមរៈភូមិន្ទដែលមានវិន័យថ្លៃថ្នូរ។
-ត្រូវយកចិត្តទុកដាក់ក្នុងការតាមដានស្រាវជ្រាវក្ដាប់ជាប់នៅរាល់សកម្មភាពរបស់ពួកអមិត្ត ពួកប្រឆាំងដើម្បីមានវិធានការទប់ស្កាត់បានទាន់ពេលវេលា។
-ត្រូវចូលរួមប្រឆាំងដាច់ខាតនិងទប់ស្កាត់នូវរាល់អំពើភេវរកម្មផ្សេងៗរបស់ពួកអមិត្តនិងរាល់ចលនាបដិវត្តន៍ពណ៌មិនឲ្យកើតមានសំដៅរួមចំណែកក្នុងការថែរក្សាការពារនូវសន្តិភាពស្ថេរភាពនិងសណ្ដាប់ធ្នាប់សង្គមឲ្យបានល្អ។
-ត្រូវសាមគ្គីភាពល្អជាមួយយុទ្ធមិត្តរួមអាវុធគ្រប់ភារកិច្ចនិងសាមគ្គីភាពល្អជាមួយអាជ្ញាធរដែនដីកម្លាំងមានសមត្ថកិច្ចដើម្បីរួមចំណែកក្នុងការអនុវត្ត នៅគោលនយោបាយភូមិឃុំមានសុវត្ថិភាពតាមគោលការណ៍របស់រាជរដ្ឋាភិបាល។
