បរទេស៖ អ្នកនាំពាក្យអង្គការសហប្រជាជាតិបានឲ្យដឹងនៅថ្ងៃពុធ ទី២៣ ខែតុលាថា អគ្គលេខាធិការអង្គការសហប្រជាជាតិ លោក Antonio Guterres បានថ្កោលទោសយ៉ាងខ្លាំងចំពោះការវាយប្រហារភេរវកម្មលើអគារឧស្សាហកម្មអាកាសចរណ៍តួកគីនៅទីក្រុងអង់ការ៉ា។
លោក Farhan Haq អ្នកនាំពាក្យរងរបស់ប្រធានអង្គការសហប្រជាជាតិ បានបញ្ជាក់នៅក្នុងសន្និសីទសារព័ត៌មានប្រចាំថ្ងៃមួយថា លោក Guterres បានចូលរួមរំលែកទុក្ខយ៉ាងក្រៀមក្រំបំផុតចំពោះជនរងគ្រោះ និងក្រុមគ្រួសាររបស់ពួកគេ ហើយបានជូនពរឱ្យមានការជាសះស្បើយយ៉ាងឆាប់រហ័ស និងពេញលេញដល់អ្នកដែលរងរបួស។
អ្នកនាំពាក្យរូបនេះ បានបន្តថា អង្គការសហប្រជាជាតិឈរក្នុងសាមគ្គីភាពជាមួយប្រជាជន និងរដ្ឋាភិបាលនៃសាធារណរដ្ឋTürkiye។
យ៉ាងហោចណាស់មនុស្ស ៤នាក់បានស្លាប់ និង ១៤នាក់ផ្សេងទៀតបានរងរបួសកាលពីថ្ងៃពុធនៅក្នុងការវាយប្រហារភេរវករនៅឯរោងចក្រផលិតយន្តហោះឧស្សាហកម្មទួរគីក្នុងទីក្រុងអង់ការ៉ា ខណៈអ្នករបួសបីនាក់ស្ថិតក្នុងស្ថានភាពធ្ងន់ធ្ងរ នេះបើយោងតាមរដ្ឋមន្ត្រីមហាផ្ទៃទួរគី លោក Ali Yerlikaya។
