រដ្ឋលេខាធិការក្រសួងសុខាភិបាល ដឹកនាំកិច្ចប្រជុំពិគ្រោះយោបល់អំពីអនុសាសន៍ គោលនយោបាយស្តីពីយេនឌ័រ និងសុខភាព
ភ្នំពេញ៖ លោកជំទាវ ប៉ែន រិកស៊ី រដ្ឋលេខាធិការក្រសួងសុខាភិបាលតំណាងដ៏ខ្ពង់ខ្ពស់របស់ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល នាថ្ងៃទី១៨ ខែតុលា ឆ្នំា២០២៤ បានចូលរួមជាគណៈអធិបតី និងដឹកនាំកិច្ចប្រជុំពិគ្រោះយោបល់ស្តីពីអនុសាសន៍គោលនយោបាយស្តីពីយេនឌ័រ និងសុខភាព។
កិច្ចប្រជុំនេះមានគោលបំណងពិនិត្យលើអនុសាសន៍គោលនយោបាយទាក់ទងនឹងយនឌ័រនិងសុខភាពដែលរៀបចំដោយក្រុមការងារក្រសួងកិច្ចការនារី និងក្រុមការងារក្រសួងសុខាភិបាលគាំទ្រដោយអង្គការ Vital Strategies ដែលមានអនុសាសន៍ចំនួន៤:
១.រៀបចំគោលការណ៍ណែនាំ អំពីការតែងតាំងថ្នាក់ដឹកនាំ
២.ការកសាងសមត្ថភាពស្រ្តី
៣.បង្កឱកាសដល់ស្រ្តីក្នុងតួនាទីជាថ្នាក់ដឹកនាំ
៤.គួរមានគោលនយោបាយដើម្បីកំណត់កូតាឱ្យស្រ្តីបានតួនាទីជាថ្នាក់ដឹកនាំ
៥. លើកកម្ពស់តួនាទីស្ត្រីជាថ្នាក់ដឹកនាំ និងអភិបាលកិច្ចក្នុងវិស័យសុខាភិបាល។
គួរកត់សម្គាល់ថា ក្រសួងសុខាភិបាលមានការរីកចម្រើនដោយមានផែនការយុទ្ធសាស្រ្តសុខាភិបាលគោលនយោបាយផែនការយុទ្ធសាស្រ្តគោលការណ៍ណែនាំតាមជំនាញក្នុងការអភិវឌ្ឍវិស័យ សុខាភិបាលដែលសំដៅដល់ការកាត់បន្ថយអត្រាឈឺ អត្រាស្លាប់ ដោយសារ ជំងឺឆ្លង ជំងឺមិនឆ្លង និងបញ្ហាសុខភាពសាធារណ: ផ្សេងទៀត ដែលត្រូវធ្វើអន្តរាគមន៍បង្ការបឋម (Primary Prevention) ដោយក្រសួង រដ្ឋបាលរាជធានីខេត្តគ្រប់លំដាប់ថ្នាក់ និងដៃគូអភិវឌ្ឍទាំងអស់ ជាយន្តការគន្លឹះក្នុងការកាត់បន្ថយ អត្រាឈឺក្នុងចំណោម ប្រជាជននៅសហគម។ ក្រសួងក៏មានផែនការយុទ្ធសាស្រ្ត ជាក់លាក់លើការងារបញ្រ្ជាបយនឌ័រក្នុងវិស័យសុខាភិបាលរួមមាន:
១- ផែនការសកម្មភាពបញ្ជ្រាបយេនឌ័រក្នុងវិស័យសុខាភិបាលឆ្នាំ២០០៦-២០១០
២-ផែនការសកម្មភាពបញ្ជ្រាបយេនឌ័រក្នុងវិស័យសុខាភិបាលកម្ពុជា ឆ្នាំ២០១៤-២០១៨
៣-គោលនយោបាយ និងផែនការយុទ្ធសាស្រ្តស្តីពី ការបញ្ជ្រាបយេនឌ័រក្នុងវិស័យសុខាភិបាលឆ្នាំ២០២០-២០២៤ ដែលឆ្លើយតបបានអនុសាសន៍ខាងលើ និងឆ្លើយតបតាមកម្មវិធីនយោបាយរបស់រាជរដ្ឋាភិបាលកម្ពុជានីតិកាលទី៧ នៃរដ្ឋសភា។
កិច្ចប្រជុំនេះមានការចូលរួមពីលោកជំទាវ ចន្ទ សូរីយ៍ រដ្ឋលខាធិការ លោកជំទាវ ហ៊ូ សាមិត្ត រដ្ឋលេខាធិការថ្នាក់ដឹកនាំក្រសួងកិច្ចការនារីប្រតិភូពីតំណាងវិទ្យាស្ថានជាតិស្ថិតិ នៃក្រសួងផែនការ និងក្រុមការងារបញ្រ្ជាបយេនឌ័រនៃក្រសួងសុខាភិបាលរួមមាន លោកជំទាវ ចាន់ សុខា អនុរដ្ឋលេខាធិការ អគ្គាធិការង ឯកឧត្តម ហុក ខៀវ ប្រធាននាយកដ្ឋាននីតិកម្ម ឯកឧត្តម ឈា ឆវណ្ណ នាយកវិទ្យាស្ថានជាតិសុខភាពសាធារណ: ប្រធានមជ្ឈមណ្ឌលជាតិកំចាត់រោគរបេង និងហង់សិន ប្រធានមជ្ឈមណ្ឌលជាតិផ្តល់ឈាម ប្រធានមន្ទីរពេទ្យគន្ធបុប្ផា នាយកមជ្ឈមណ្ឌលជាតិពិសោធន៍សុខាភិបាល អនុប្រធាននាយកដ្ឋាន នាយករងមន្ទីរពេទ្យជាតិ-មជ្ឈមណ្ឌលជាតិ តំណាងអង្គការ Vital Strategies សរុបចំនួន ៣៤ រូ
