លោកជំទាវ ម៉ាណ ណាវី នាំយកជំនួយរបស់សមាគមគ្រូបង្រៀន ឧបត្ថម្ភជូនអ្នករងគ្រោះអគ្គិភ័យ ៩ខ្នងផ្ទះ នៅភូមិ៣ សង្កាត់ច្រាំងចំរេះទី១
ភ្នំពេញ៖ លោកជំទាវ ម៉ាណ ណាវី សមាជិកាក្រុមសមាជិកព្រឹទ្ធសភាប្រចាំភូមិភាគទី១ នាថ្ងៃទី១៧ ខែតុលា ឆ្នាំ២០២៤ បានអញ្ជើញនាំយកជំនួយរបស់សមាគមគ្រូបង្រៀន ឧបត្ថម្ភជូនដល់អ្នករងគ្រោះអគ្គិភ័យចំនួន៩ខ្នងផ្ទះ កាលពីថ្ងៃទី២៩ ខែកញ្ញា ឆ្នាំ២០២៤កន្លងមក ស្ថិតនៅភូមិ៣ សង្កាត់ច្រាំងចំរេះទី១ ខណ្ឌឬស្សីកែវ រាជធានីភ្នំពេញ។
លោកជំទាវបានមានប្រសាសន៍ថា លោកជំទាវមកកាន់ទីនេះជាលើកទី២ហើយ ដែលបាននាំយកអំណោយពីសប្បុរសជនផ្សេងៗគ្នាមកកាន់ទីនេះ ហើយក៏សូមចូលរួមសោកស្ដាយជាមួយបងប្អូនប្រជាពលរដ្ឋ ដែលបានបាត់បង់ផ្ទះ សម្ភារប្រើប្រាស់ផ្សេងៗជាច្រើនផងដែរ។
លោកជំទាវបានលើកទឹកចិត្តទៅដល់អ្នករងគ្រោះទាំងអស់ឱ្យខិតខំប្រឹងប្រែងឡើងវិញ នូវអ្វីដែលបាត់បង់ និងបានឱ្យបងប្អូនប្រជាពលរដ្ឋទាំងអស់មានការព្រមប្រយ័ត្នឱ្យបានខ្ពស់បំផុត ជៀសវាងកុំឱ្យមានគ្រោះថ្នាក់ណាកើតឡើងទៀត ព្រមទាំងបានថ្លែងអំណរគុណដល់អាជ្ញាធរពាក់ព័ន្ធដែលបានជួយសង្គ្រោះទាន់ពេលវេលាផងដែរ។
សូមបញ្ជាក់ អ្នករងគ្រោះអគ្គិភ័យទាំ៩ខ្នងផ្ទះ ក្នុងមួយខ្នងផ្ទះទទួលបានថវិកា២០ម៉ឺនរៀល៕
