ឯកឧត្តម ចាន់ យុត្ថា រដ្ឋលេខាធិការ ក្រសួងធនធានទឹក អមដំណើរឯកឧត្តម ទេសរដ្ឋមន្ត្រី គន់ គីម ចុះពិនិត្យស្ថានភាពទឹកជំនន់ទឹកភ្លៀង ក្នុងភូមិសាស្ត្រ ខេត្តកំពង់ធំ

ភ្នំពេញ៖ នាព្រឹកថ្ងៃទី៣ ខែសីហា ឆ្នាំ២០២៤ នេះ ឯកឧត្តម ចាន់ យុត្ថា រដ្ឋលេខាធិការ នៃក្រសួងធនធានទឹក និងឧតុនិយម បានអញ្ជើញអមដំណើរ ឯកឧត្តមទេសរដ្ឋមន្ត្រី គន់ គីម អនុប្រធានទី១ គណៈកម្មាធិការ ជាតិគ្រប់គ្រងគ្រោះមហន្តរាយ ចុះពិនិត្យ ស្ថានភាពទឹកជំនន់ ទឹកភ្លៀង ដែលបង្កផលប៉ះពាល់ ជន់លិចស្រូវ របស់ប្រជាពលរដ្ឋ ក្នុងភូមិសាស្ត្រភូមិរលួស ឃុំស្រយ៉ូវ ក្រុងស្ទឹងសែន ខេត្តកំពង់ធំ។

សូមជម្រាបថា ក្នុងឱកាសចុះពិនិត្យស្ថានភាពទឹកជំនន់នេះក៏មានការចូលរួមអមដំណើរពី ឯកឧត្តម នួន ផារ័ត្ន អភិបាលនៃគណៈអភិបាលខេត្តកំពង់ធំ រួមជាមួយមន្ទីរស្ថាប័នពាក់ព័ន្ឋ និង អាជ្ញាធរមូលដ្ឋានជាច្រើននាក់ផងដែរ។

សូមបញ្ជាក់ថា ក្នុងរយៈពេលប៉ុន្មានសប្តាហ៍ចុងក្រោយនេះ ឥទ្ធិពលព្យុះ និងប្រព័ន្ធវិសម្ពាធទាបបានបង្កឱ្យមានភ្លៀងធ្លាក់ជាបន្តបន្ទាប់ស្ទើរតែនៅគ្រប់តំបន់ក្នុងព្រះរាជាណាចក្រកម្ពុជា និងបានបណ្តាលឱ្យទឹកទន្លេមេគង្គ និងស្ទឹងសំខាន់ៗ មានការកើនឡើងជាបន្តបន្ទាប់ ព្រមទាំង បង្កជាជំនន់ទឹកភ្លៀងនៅតាមតំបន់មួយចំនួនផងដែរ៕