បាងកក៖ ប៉ូលីសហុងកុងម្នាក់បានស្លាប់ បន្ទាប់ពីធ្លាក់ពីលើឡានដឹកដី Songthaew ក្នុងប្រទេសថៃកាលពីព្រឹកថ្ងៃច័ន្ទ។ នេះបើយោងតាមវីដេអូឃ្លាំមើលដែលទទួលបានដោយប្រព័ន្ធផ្សព្វផ្សាយក្នុងស្រុក បុរសម្នាក់នេះត្រូវបានគេឃើញធ្លាក់ពីលើរថយន្តតាក់ស៊ីមកលើផ្លូវក្នុងសង្កាត់ South Pattaya នៅម៉ោង៨:៣៦ព្រឹក។
យោងតាមប្រព័ន្ធផ្សព្វផ្សាយក្នុងស្រុកបានឱ្យដឹងថា បុរសនោះមានអាយុ ៤៨ឆ្នាំ និងមកពីហុងកុង បានរងរបួសយ៉ាងធ្ងន់ធ្ងរ ហើយត្រូវបានបញ្ជូនទៅកាន់មន្ទីរពេទ្យក្បែរនោះ ដែលជាកន្លែងដែលគាត់ត្រូវបានគេបញ្ជាក់ថាបានស្លាប់។
ក្រោយពេលកើតហេតុ សាក្សីឃើញហេតុការណ៍បានស្រែកហៅរថយន្តសាំយ៉ុង ឲ្យឈប់ ប៉ុន្តែអ្នកបើកបរមិនព្រម ហើយបើករថយន្តគេចខ្លួនបាត់ស្រមោល។
ក្រោយមកប៉ូលិសទទួលបានស្លាកលេខរថយន្តលម្អិតតាមរយៈកាមេរ៉ាសុវត្ថិភាព ហើយបានបើកការតាមប្រមាញ់ភ្លាមៗ។
ក្រោយកើតហេតុ អ្នកបើកបររថយន្តបានប្រគល់ខ្លួនឲ្យកម្លាំងសមត្ថកិច្ច ដោយអះអាងថា ខ្លួនមិនបានដឹងថា មាននរណាម្នាក់ធ្លាក់ពីលើរថយន្តនោះទេ ហើយគ្រាន់តែទាក់ទងទៅសមត្ថកិច្ច បន្ទាប់ពីទទួលបានដំណឹងពីម្ចាស់រថយន្ត។
ប្ប្រភពបានឲ្យដឹងថា ពលបាលរូបនេះកំពុងសម្រាកលំហែកាយជាមួយក្រុមគ្រួសារ ហើយគ្រោងនឹងត្រឡប់ទៅទីក្រុងវិញនៅថ្ងៃអង្គារ។
នាយកដ្ឋានអន្តោប្រវេសន៍របស់ហុងកុងកាលពីល្ងាចថ្ងៃចន្ទបានឲ្យដឹងថា វាត្រូវបានជូនដំណឹងអំពីឧបទ្ទវហេតុនេះដោយក្រុមគ្រួសាររបស់បុរសនោះ។
វាបានទាក់ទងទៅការិយាល័យក្រសួងការបរទេសរបស់ទីក្រុងប៉េកាំងនៅហុងកុង និងស្ថានទូតចិនប្រចាំប្រទេសថៃ ដើម្បីស្វែងយល់ពីស្ថានភាពនេះ។
នាយកដ្ឋានបានបន្ថែមថា ខ្លួនបានផ្តល់ដំបូន្មាន និងជំនួយសមរម្យដោយផ្អែកលើបំណងប្រាថ្នារបស់សមាជិកគ្រួសារ។
