ភ្នំពេញ៖ នៅថ្ងៃចន្ទ ២រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែកក្កដា ឆ្នាំ២០២៤ ក្រុមមន្ត្រីជំនាញរបស់នាយកដ្ឋានជលសាស្ត្រ និងការងារទន្លេ នៃក្រសួងធនធានទឹក និងឧតុនិយមបានបន្តចុះធ្វើការថែទាំស្ថានីយជលសាស្រ្ដស្វ័យប្រវត្តិ ក្នុងភូមិសាស្រ្ដខេត្តពោធិ៍សាត់។
នៅក្នុងបេសកកម្មនេះ ក្រុមមន្ត្រីជំនាញក៏បានធ្វើការសិក្សាវាស់ធារទឹកស្ថិតនៅទីតាំងស្ថានីយពាម ស្ថានីយព្រៃខ្លុង និងស្ថានីយបាកត្រកួន ក្នុងខេត្តពោធិ៍សាត់។
ក្រុមមន្ត្រីជំនាញបានបន្តចុះពិនិត្យថែទាំស្ថានីយជលសាស្រ្ដស្វ័យប្រវត្តិចំនួន ៤កន្លែង និងស្ថានីយតម្រង់ទឹកភ្លៀងស្វ័យប្រវត្តិចំនួន ១រួមមាន៖ ១).ស្ថានីយព្រៃខ្លុង ស្ថិតក្នុងភូមិព្រៃខ្លុង ឃុំរកាត ស្រុកភ្នំក្រវាញ ខេត្តពោធិ៍សាត់, ២).ស្ថានីយពាម ស្ថិតក្នុងភូមិមល់ ឃុំរកាត ស្រុកភ្នំក្រវាញ ខេត្តពោធិ៍សាត់, ៣).ស្ថានីយសន្ទ្រែ ស្ថិតក្នុងភូមិក្សេត្របុរី ឃុំសន្ទ្រែ ស្រុកភ្នំក្រវាញ ខេត្តពោធិ៍សាត់, ៤).ស្ថានីយដំណាក់អំពិល ស្ថិតក្នុងភូមិដំណាក់អំពិល ឃុំបាក់ចិញ្ចៀន ស្រុកភ្នំក្រវាញ ខេត្តពោធិ៍សាត់ និង៥).ស្ថានីយត្រង់ទឹកភ្លៀងទំនប់ទី៣ ស្ថិតក្នុងភូមិវាលវង់ ឃុំរកាត ស្រុកភ្នំក្រវាញ ខេត្តពោធិ៍សាត់។
សូមបញ្ជាក់ថា ក្នុងពេលចុះថែទាំស្ថានីយជលសាស្ត្រស្វ័យប្រវត្តិ ក្រុមការងារក៏បានធ្វើការផ្លាស់ប្ដូរអាគុយស្ថានីយ ត្រួតពិនិត្យទិន្នន័យវាស់ដោយឧបករណ៍វាស់កម្ពស់ទឹក ផ្លាស់ប្ដូរ Data-logger លាងសម្អាតឧបករណ៍វាស់កម្រិតទឹកភ្លៀង និងកាប់សម្អាតទីធ្លាស្ថានីយ ៕
