ឯកឧត្តម កែប ជុតិមា ដឹកនាំកិច្ចប្រជុំអនុគណៈកម្មការសន្តិសុខ សណ្តាប់ធ្នាប់ និងសង្រ្គោះបឋម ត្រៀមការងាររៀបចំសម័យប្រជុំពេញអង្គលើកទី១១ នៃសភាអន្តរជាតិ ដើម្បីភាពអត់ឱន និងសន្តិភាព

ភ្នំពេញ៖ នៅវិមានរដ្ឋសភា នាព្រឹកថ្ងៃទី១៩ ខែកក្កដា ឆ្នាំ២០២៤ ឯកឧត្តម កែប ជុតិមា ប្រធានគណៈកម្មការមហាផ្ទៃ ការពារជាតិ មុខងារសាធារណៈ និងកិច្ចការព្រំដែននៃរដ្ឋសភា (គណៈកម្មការទី៤) និងជាប្រធានអនុគណៈកម្មការសន្តិសុខ សណ្តាប់ធ្នាប់ និងសង្គ្រោះបឋម បានអញ្ជើញដឹកនាំកិច្ចប្រជុំត្រៀមរៀបចំ និងត្រួតពិនិត្យវឌ្ឍនភាពការងារពាក់ព័ន្ធនឹងផែន សន្តិសុខ សណ្តាប់ធ្នាប់ និងសង្គ្រោះបឋមសម្រាប់បម្រើជូនកិច្ចប្រជុំពេញអង្គលើកទី១១ នៃសភាអន្តរជាតិដើម្បីភាពអត់ឱន និងសន្តិភាព International Parliamentary Plenary Session for Tolerance and Peace 11th (IPTP) ដែលសភាកម្ពុជានឹងត្រូវធ្វើជាម្ចាស់ផ្ទះ នៅចុងខែវិច្ឆិកា ឆ្នាំ២០២៤ នៅសណ្ឋាគារសុខាភ្នំពេញនាពេលខាងមុខ។

កិច្ចប្រជុំមានការចូលរួមពី ឯកឧត្តម លោកជំទាវ ជាអនុប្រធាន សមាជិកនិងជំនួយការ នៃអនុគណៈកម្មការសន្តិសុខ សណ្តាប់ធ្នាប់ និងសង្រ្គោះបឋម នៃអនុគណៈកម្មការប្រតិបត្តិ ដើម្បីរៀបចំសម័យប្រជុំពេញអង្គលើកទី១១នៃសភាអន្តរជាតិដើម្បីភាពអត់ឱន និងសន្តិភាព (IPTP) ៕