ស្ទឹងត្រែង៖ ក្នុងនាមអភិបាល នៃគណៈអភិបាលខេត្តស្ទឹងត្រែង ឯកឧត្តម សរ សុពុត្រា បានចុះសួរសុខទុក្ខក្រុមគ្រួសារអតីតថ្នាក់ដឹកនាំខេត្ត និងស្រុកកាលពីពេលថ្មីៗនេះ។
ក្នុងនោះមាន លោកស្រី ផៃ ស៊ីមម៉ានី ជាភរិយា ឯកឧត្តម ហ៊ីង ផាន់ រឿន អតីតប្រធានក្រុមប្រឹក្សាខេត្តនិងជាអនុប្រធានគណៈកម្មាធិការគណបក្សប្រជាជនកម្ពុជាខេត្ត នៅគេហដ្ឋានភូមិស្រែពោធិ សង្កាត់ស្រះឫស្សី ក្រុងស្ទឹងត្រែង ។
លោកស្រី មាស ថា ជាភរិយា ឯកឧត្តម ឈឹម រចនា អតីតប្រធានក្រុមប្រឹក្សាខេត្ត និងជាអនុប្រធានគណៈកម្មាធិការគណបក្សប្រជាជនកម្ពុជាខេត្ត នៅគេហដ្ឋានភូមិកណ្តាល សង្កាត់ស្ទឹងត្រែង ក្រុងស្ទឹង ត្រែង។
ឯកឧត្តម រ៉ាវ នួង អតីតសមាជិកក្រុមប្រឹក្សាខេត្ត និងជាសមាជិកគណៈអចិន្រ្តៃគណបក្សប្រជាជនកម្ពុជាខេត្តដែលកំពុងសម្រាក់ព្យាបាលជំងឺ នៅគេហដ្ឋានភូមិត្រពាំងព្រីង សង្កាត់ស្ទឹងត្រែង ក្រុងស្ទឹង ត្រែង។
លោក សន នូ អតីតប្រធានក្រុមប្រឹក្សាស្រុកសេសាន កំពុងសម្រាក់ព្យាបាលជំងឺ នៅគេហដ្ឋាន ភូមិកណ្តាល សង្កាត់ស្ទឹងត្រែង ក្រុងស្ទឹងត្រែង។
ភរិយា ឯកឧត្តម ខាំ ផាន់ធីវង្ស អតីតប្រធាន រណសិរ្សខេត្តស្ទឹងត្រែងនិងជាសមាជិកក្រុមប្រឹក្សា ខេត្ត។
គួសបញ្ចាក់ថា៖ឯកឧត្តម ខាំ ផាន់ធីវង្ស និងឯកឧត្តម ហ៊ីង ផាន់ រឿន បានមរណៈភាពកាលពីកន្លងទៅថ្មីៗនេះដោយជរាពាធ។
នៅក្នុងការអញ្ជើញចុះសួសុខទុក្ខនាថ្ងៃដដែលនោះ ឯកឧត្តម សរ សុពុត្រា បានសង្កត់ធ្ងន់ថា ថ្នាក់ដឹកនាំពីមុន គឺជាអ្នកត្រួសត្រាយផ្លូវ និងជាអ្នកតស៊ូឧបសគ្គគ្រប់បែបយ៉ាងដើម្បីជាតិមាតុភូមិ និងបានធ្វើការអភិវឌ្ឍជាបន្តបន្ទាប់ ដែលយើងជាថ្នាក់ដឹកនាំបន្តវេន ត្រូវបន្តការអភិវឌ្ឍបន្ថែមទៀត និងត្រូវយកគំរូតាម ហើយគោរពដល់ថ្នាក់ដឹកនាំចាស់ៗពីមុន។
ឆ្លៀតក្នុងឱកាសដដែលនោះ ឯកឧត្តម សរ សុពុត្រា អភិបាល នៃគណៈអភិបាលខេត្តបានចុះពិនិត្យស្ថានភាពជាក់ស្តែង និងបានរលឹកថា៖ ថ្នាក់ដឹកនាំពីមុនមានការលំបាក់ណាស់ឆ្លងកាត់នូវឧបសគ្គជាច្រើនរាប់មិនអស់ដែលយើងមិនអាចបំភ្លេចបាននូវគុណូបក្ការៈដ៏ធំធេងចំពោះការលះបង់តស៊ូរាល់ការលំបាក់ដើម្បីបុព្វហេតុជាតិ និងប្រជាជន៕
