ឯកឧត្តម វង សូត អញ្ជើញក្នុងពិធីស្រោចស្រពសុគន្ធវារី បុណ្យចម្រើនព្រះជន្ម និងគម្រប់ ១០ឆ្នាំ នៃការកកើតវត្តសិលារង្សី
ភ្នំពេញ៖ នៅថ្ងៃអាទិត្យ ២កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៧ ខែកក្កដា ឆ្នាំ២០២៤ ឯកឧត្តម វង សូត អនុប្រធានទី២រដ្ឋសភា និងលោកជំទាវ ហេង ពៅ បានអញ្ជើញជាអធិបតីដ៏ខ្ពង់ខ្ពស់ក្នុងពិធីបុណ្យចម្រើនព្រះជន្ម និងស្រោចស្រពព្រះសុគន្ធវារីប្រគេនព្រះមធុរៈធម្មរង្សី វ៉ាន ដាវី ព្រះអនុគណស្រុកត្បូងឃ្មុំ និងគម្រប់ ១០ឆ្នាំ នៃការកកើតវត្តសិលារង្សី (ហៅវត្តត្រពាំងថ្កូវ ឬវត្តចាស់) ស្ថិតនៅភូមិត្រពាំងឫស្សី ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ។
ក្នុងឱកាសនោះដែរ ឯកឧត្តម វង សូត និងលោកជំទាវ ហេង ពៅ មានមហាសទ្ធាជ្រះថ្លាក្រៃលែង បានប្រគេនបច្ច័យក្នុងពិធីបុណ្យនេះ មានបច្ច័យចំនួន ១៥,០០០,០០០រៀល (ដប់ប្រាំលានរៀល), ទឹកក្រូច ១៥កេស, ទឹកបរិសុទ្ធ ១៥កេស និងអាកុល ១៥កេស ប្រគេនបច្ច័យមេគណខេត្ត ៥០ម៉ឺនរៀល អនុគណស្រុក ៥០ម៉ឺនរៀល ព្រះសង្ឃ៧អង្គក្នុង១អង្គៗបច្ច័យ ២០ម៉ឺនរៀល យាយជី តាជី៦០នាក់ ក្នុងម្នាក់ថវិកា ២ម៉ឺនរៀល។
ព្រះចៅអធិការវត្តបានចម្រើនពរ គោរពជូនពរដល់ ឯកឧត្តម វង សូត និងលោកជំទាវ បុត្រាបុត្រី និងសហការី ទាំងអស់ បានជួបប្រទះតែសេចក្តីសុខចម្រើន ជោគជ័យគ្រប់ភារកិច្ច និងសមប្រកបដោយព្រះពុទ្ធពរ៤ប្រការគឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
