ថ្លើមធំមែន! បន្លំលួចសម្ភារអ្នករងគ្រោះមិនអស់ចិត្ត បែកគំនិតលួចកាំភ្លើងប៉ូលីស ពេលនេះជនសង្ស័យ៤នាក់ត្រូវបានចាប់ខ្លួន

ភ្នំពេញ៖ យ៉ាងហោចណាស់ជនសង្ស័យ៤នាក់ ក្នុងចំណោមបក្ខពួក៥នាក់ ត្រូវសមត្ថកិច្ចចាប់ខ្លួនបានជាបន្តបន្ទាប់ ក្រោយរកឃើញជាប់ពាក់ព័ន្ធករណីបន្លំលួចកាំភ្លើងពីក្នុងរថយន្តសមត្ថកិច្ច២ដើម កាលយប់ ថ្ងៃ ទី ៣០មិថុនា ឆ្នាំ ២០២៤ នៅ តាម បណ្តោយផ្លូវ ៥០ ម៉ែត្រ ត្រង់ ចំណុច ភ្លើងស្តុប ឫស្សី សាញ់ ស្ថិត នៅភូមិ ប្រកា សង្កាត់ ព្រៃ- ស ខណ្ឌដង្កោ រាជធានី ភ្នំពេញ។

យោងតាមការបញ្ជាក់ពីមន្ត្រីសមត្ថកិច្ចបានឱ្យដឹងថា ប្រតិបត្តិការនេះកម្លាំងការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ សហការជាមួយនគរបាលខណ្ឌដង្កោ និងនគរបាលខណ្ឌពោធិ៍សែនជ័យ ធ្វើការឃាត់ខ្លួនបានជនសង្ស័យ៣នាក់ជាបន្តបន្ទាប់ រហូតដល់ល្ងាច ថ្ងៃ ទី ២ ខែកក្កដា ឆ្នាំ ២០២៤ នេះ កម្លាំង នគរបាលជំនាញបានបើកការស្រាវជ្រាវ រហូតឈានដល់ការ ឃាត់ខ្លួនជនសង្ស័យម្នាក់ទៀតនៅចំណុច ខាងក្រោយ ផ្សា រកា ណា ស៊ី ធី ភូមិ ព្រៃ ល្វា សង្កាត់ ចោម ចៅ ទី ២ ខណ្ឌ ពោធិ៍ សែន ជ័យ ត្រូវគេស្គាល់ថា ជាអ្នកសារព័ត៌មានអនឡាញមួយរូប មានឈ្មោះ ស .ប.រ អាយុ ៣៨ ឆ្នាំ មាន ទីលំនៅ ភូមិ ត្រពាំង លាន ឃុំ ចំបក់ ស្រុក បាទី ខេត្តតាកែវ។

ជាមួយគ្នានោះ អាជ្ញាធរសមត្ថកិច្ចដកហូតវត្ថុតាងបានរួមមាន៖ ម៉ូតូ១ គ្រឿង ម៉ាក ហុងដា ឌ្រី ម សេ ១២៥ ព ណ៍ ខ្មៅ ស៊េរី ឆ្នាំ ២០២០ ។ មន្ត្រីសមត្ថកិច្ចបានឱ្យដឹងបន្តថា កន្លងមកក្រុមជនសង្ស័យខាងលើតែងធ្វើសកម្មភាព បន្លំ លួច ទ្រព្យសម្បត្តិ ជន រង គ្រោះ នៅ ពេល មាន ករណីគ្រោះថ្នាក់ ចរាចរណ៍ កើតឡើង មិនត្រឹមតែប៉ុណ្ណោះរហូតដល់ពេលថ្មីៗនេះ ថ្លើមពួកគេកាន់តែធំ ដោយហ៊ាន ធ្វើ សកម្មភាព លួច យក កាំភ្លើងខ្លី ម៉ា កឡុក ចំនួន ២ ដើម របស់ មន្ត្រីនគរបាល ព្រហ្មទណ្ឌ កម្រិត ធ្ងន់នៃ ស្នងការដ្ឋាន រាជធានី ភ្នំពេញ ដែល ទុក ក្នុង រថយន្ត។

បច្ចុប្បន្នជនសង្ស័យទាំង៤នាក់ រួមជាមួយវត្ថុតាង ត្រូវបានកម្លាំង នគរបាល ការិយាល័យ ព្រហ្មទណ្ឌ កម្រិត ស្រាល បញ្ចូនបន្តមកកាន់ស្នងការដ្ឋានរាជធានីភ្នំពេញ ដើម្បីធ្វើការសាកសួរ។ រីឯបក្ខពួកមួយចំនួនកំពុងរត់គេចខ្លួន ត្រូវបានសមត្ថកិច្ចដាក់ការសង្ស័យថា កាំភ្លើងទាំង២ដើមនៅជាប់នឹងខ្លួនរបស់ជនសង្ស័យរូបនោះ៕