តំបន់ប្រតិបត្តិការសឹករងកោះកុង ចែកអាវភ្លៀង ជាអំណោយសម្ដេចតេជោ និងសម្ដេចកិតិ្តព្រឹទ្ធបណ្ឌិត ជូននាយទាហាន នាយទាហានរង ពលទាហាន

ភ្នំពេញ៖ លោក ឧត្តមសេនីយ៍ត្រី កែវ វិចិត្រ មេបញ្ជាការ តំបន់ប្រតិបត្តិការសឹករងកោះកុង នាថ្ងៃទី១១ ខែមិថុនា ឆ្នាំ២០២៤ បានធ្វើការបើកចែកអាវភ្លៀងដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិតិ្តព្រឹទ្ធបណ្ឌិត ប៊ុន រ៉ានីហ៊ុនសែនជូន នាយទាហាន នាយទាហានរង និងពលទាហាន តាមបណ្ដាអង្គភាពចំណុះទីបញ្ជាការ។

ដោយយល់ឃើញពីទុក្ខលំបាក និងគិតគូពីសុខទុក្ខរស់នៅរបស់ កងកម្លាំង ប្រដាប់អាវុធគ្រប់ប្រភេទ នាពេលរដូវ វស្សា ជារៀងរាល់ឆ្នាំដោយមានការយកចិត្តទុកដាក់គិតគូរពីសុខភាពដល់យោធិនគ្រប់រូបសម្ដេចអគ្គមហាសេនាបតីតេជោ ហ៊ុន សែន និងសម្ដេចកិតិ្តព្រឹទ្ធបណ្ឌិត ប៊ុន រ៉ានីហ៊ុនសែន បានឧបត្ថម្ភ ជាអាវភ្លៀង ចែកជូនយោធិនគ្រប់ៗរូប ពាក់ដើម្បីការពារសុខភាព ក្នុងពេលបំពេញភារកិច្ច នារដូវ វស្សាខាងមុខនេះ។

ក្រោយបើកចែកអាវភ្លៀងជូន នាយទាហាននាយទាហានរង និងពលទាហាន ព្រមទាំងបណ្ដាលអង្គភាពចំណុះទីបញ្ជាការរួចមក លោកឧត្តមសេនីយ៍ត្រី កែវ វិចិត្រ មេបញ្ជាការ តំបន់ប្រតិបត្តិការសឹករងកោះកុងមានសេចក្តីសោមនស្ស រីករាយ យ៉ាងខ្លាំង នូវគុណបំណាច់ដល់ជ្រាលជ្រៅរបស់សម្តេចតេជោ និងសម្តេចកិត្តិព្រឹទ្ធបណ្ឌិត និងប្រមុខរាជរដ្ឋាភិបាល ដែលមានសម្តេចមហាបវរធិបតីជាប្រមុខដឹកនាំ តែងតែយកចិត្តទុកដាក់ និងឈឺឆ្អាលដល់សុខភាព-ជីវភាពភាពរស់នៅរបស់កងកម្លាំងប្រដាប់អាវុធ គ្រប់ពេលវេលា យើងខ្ញុំទាំងអស់គ្នាប្តេជា្ញការពារបាវចនា ជាតិ ការពាររដ្ធធម្មនុញ្ញ ការពាររាជរដ្ឋាភិបាលស្របច្បាប់ ការពារសុខសន្តិភាពនិងបូរណភាពដែនដីនៃយើង ៕