កម្លាំងសមត្ថកិច្ចការិយាល័យ ប្រឆាំងគ្រឿងញៀន បានសហការជាមួយកម្លាំងអធិការក្រុងសែនមនោរម្យ និងកម្លាំងប៉ុស្តិ៍នគរបាលស្ពានមានជ័យ ធ្វើការបង្រ្កាប ក្រុមក្មេងទំនើងចំនួន ០២នាក់ ដែលកំពុងជក់បារីអេឡិចត្រូនិច
ភ្នំពេញ៖ កាលពីថ្ងៃទី៨ ខែមិថុនា ឆ្នាំ២០២៤ នាវេលាម៉ោង១២និង៣០នាទី ក្រោមការចង្អុលបង្ហាញពីលោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី កម្លាំងអធិការដ្ឋាននគរបាលក្រុងសែនមនោរម្យ បានធ្វើការចុះល្បាត ក្នុងភូមិសាស្ត្រ របស់ខ្លួនរហូតដល់ចំណុចចុងតារាងក្បែរហ្គារ៉ាសសាំងតេលា ស្ថិតនៅភូមិចំការតែ សង្កាត់ស្ពានមានជ័យ ក៏បានប្រទះឃើញជនទំនើងម្នាក់ឈ្មោះ ខុម សុផាន់ណា ភេទប្រុស កំពុងជក់បារីអេឡិចត្រូនិចពេលនោះ។
កម្លាំងសមត្ថកិច្ចក៏បានធ្វើការសួរនាំជនខាងលើរួច ក៏បានសារភាពប្រាប់ពីប្រភពដែលលក់បារីអេឡិចត្រូនិចនោះ។ បន្ទាប់មកកម្លាំងសត្ថកិច្ចជំនាញ បានបន្តនីតិវិធី ដោយសហការជាមួយកម្លាំងប៉ុស្ដិ៍នគរបាលរដ្ឋបាលស្ពានមានជ័យក៏បានចុះដល់ទីតាំងជួញដូរបារីអេឡិចត្រូនិចនោះតែម្តងក៏បាន នាំខ្លួនជនសង្ស័យឈ្មោះ ភី ហេងសក្ដិ ដេីម្បីសួរនាំ ក្រោយមកឈ្មោះ ភី ហេងស័ក្ដិ ក៏បានសារភាព និងសហការប្រគល់ឧបករណ៍បារីអេឡិចត្រូនិចមកឲ្យសមត្ថកិច្ចយើង។
ក្នុងប្រតិបត្តិការនេះកម្លាំងជំនាញបាននាំខ្លួនជនសង្ស័យបានចំនួន ០២នាក់ ដដើម្បីសួរនាំដែលមានឈ្មោះដូចខាងក្រោម៖
ទី១.ឈ្មោះ ភី ហេងស័ក្ដ ភេទប្រុស អាយុ ២៧ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបណ្ដោះអាសន្នភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។ បានធ្វេីតេស្តរកសាធាតុញៀនក្នុងទឹកម៉ូត្រជាលទ្ធផលអវិជ្ជមាន(-)។
ទី២.ឈ្មោះ ខុម សុផាន់ណា ភេទប្រុស អាយុ ២១ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបណ្ដោះអាសន្នភូមិចំការតែ សង្កាត់ស្ពានមានជ័យ ក្រុងសែនមនោរម្យ។
បានធ្វេីតេស្តរកសាធាតុញៀនក្នុងទឹកម៉ូត្រជាលទ្ធផលអវិជ្ជមាន(-)។ កម្លាំងសមត្ថកិច្ចយើងបានឆែកឆេរចាប់យកសម្ភារៈវត្ថុតាងរួមមានដូចខាងក្រោម៖
១.បារីអាឡិចត្រូនិច ចំនួន ២៣គ្រឿង (ប្រើប្រាស់រួច ចំនួន១៥គ្រឿង និងថ្មីក្នុងប្រអប់ ចំនួន០៨គ្រឿង)។
២.ក្បាលបារីអេឡិចត្រូនិចមានទឹកថ្នាំ ម៉ាកYooz ចំនួន ៣០ប្រអប់តូច និង ២០ប្រអប់ធំល្មម (សរុប១៣០ប្រអប់តូច ស្មើនឹង ២៦០គ្រឿង)។
ករណីខាងលើនេះ កម្លាំងជំនាញនៃអធិការដ្ឋាននគរបាល ក្រុងសែនមនោរម្យ បានធ្វើការអប់រំណែនាំជនសង្ស័យខាងលើ ឲ្យបញ្ឈប់ការជួញដូរ និងប្រើប្រាស់បារីអេឡិចត្រូនិចបន្តទៀតហេីយក៏បានប្រគល់ជនសង្ស័យខាងលេីជូនអាណាព្យាបាលយកទៅអប់រំបន្ត ចំណែកវត្ថុតាងត្រូវបានសមត្ថកិច្ចជំនាញធ្វេីការដកហូតដើម្បីចាត់ការតាមនីតិវិធី ៕
