ភ្នំពេញ៖ ជនសង្ស័យប្រុសស្រី ៤នាក់ ត្រូវបានកម្លាំងកងរាជអាវុធហត្ថខេត្តតាកែវ សហការជាមួយ កម្លាំងកងរាជអាវុធហត្ថផ្ទៃប្រទេស ឃាត់ខ្លួនបាននៅភូមិសាស្រ្តខេត្តតាកែវ និងភូមិសាស្រ្តរាជធានីភ្នំពេញ ដកហូតបានថ្នាំញៀនមួយចំនួនធំ។
យោងតាមរបាយការណ៍របស់ លោកអនុសេនីយ៍ទោ ហួត វឿន នាយការិយាល័យប្រឆាំងគ្រឿងញៀនប្រឆាំងគ្រឿងញៀន កងរាជអាវុធហត្ថខេត្តតាកែវ បានឱ្យដឹងថា ដោយទទួលបានបទបញ្ជាពីលោក ឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងសម្របសម្រួលនីតិវិធីដោយ ឯកឧត្តម ឯក ឆេងហួត ព្រះរាជអាជ្ញា អមសាលាដំបូងខេត្តតាកែវ នៅវេលាម៉ោង១៣:៣០នាទី ថ្ងៃទី២៥ ខែឧសភា ឆ្នាំ២០២៤ កម្លាំងការិយាល័យប្រឆាំងគ្រឿងញៀនសហការជាមួយអង្គភាពនគរបាលយុត្តិធម៌ និង កម្លាំងមូលដ្ឋានកងរាជអាវុធហត្ថស្រុកបាទី ស្រុកព្រៃកប្បាស ដឹកនាំ ដោយលោកវរសេនីយ៍ឯក ង៉ែត ចាន់ធី មេបញ្ជាការរងទទួលជំនាញ បានចុះបង្រ្កាបករណីគ្រឿងញៀន ស្ថិតនៅនៅចំណុចលើខ្នងប្រឡាយភូមិថ្មី ឃុំដូង ស្រុកបាទី ខេត្តតាកែវ។
លទ្ធផលឃាត់ខ្លួនបានជនសង្ស័យចំនួន២នាក់៖
១.ឈ្មោះ សោម ឧត្តម (អាម៉ាប់) ភេទប្រុស អាយុ៣០ឆ្នាំ ជនជាតិខ្មែរមុខរបរមិនពិតប្រាកដ (ជួញដូរនឹងកាន់កាប់អាវុធខុសច្បាប់ ហើយទើបចេញពន្ធនាគារព្រៃសករណីគ្រឿងញៀន ) រស់នៅភូមិប្រមូលសុខ ឃុំដូង ស្រុកបាទី ខេត្តតាកែវ ។
+ -ដកហូតវត្ថុតាងរួមមាន: ម្សៅក្រាមពណ៌សថ្លាចំនួន០៦កញ្ចប់, កាំភ្លើង០១ដើម ម៉ាក៥៤, គ្រាប់ចំនួន០៥គ្រាប់, បង់ចំនួន០១ – ម៉ូតូចំនួន០១គ្រឿង ម៉ាកនិច, ទូរស័ព្ទចំនួន០៣គ្រឿង, បន្តមកឆែកឆេរលំនៅដ្ឋានជនសង្ស័យឈ្មោះ សោម ឧត្តម មានលោកមេភូមិ និងក្រុមប្រឹក្សាឃុំ បានរកឃើញម្សៅក្រាមសថ្លាចំនួន០៣កញ្ចប់, សរុបស្មើ០៩ ទម្ងន់ : ៤៥,២៩ ក្រាម (គិតទាំងសំបក់ថង់ ) ដាវដែកចំនួន០២ដើម, គ្រាប់កាំភ្លើងឡុកចំនួន០៤គ្រាប់, គ្រាប់៥៩ចំនួន០៨គ្រាប់, សម្ភារៈវេចខ្ចប់ និងសម្ភារៈប្រើប្រាស់ថ្នាំញៀនមួយចំនួន( សម្ភារៈខាងលើជារបស់ឈ្មោះសោម ឧត្តម។
នៅវេលាម៉ោង ១៨ និង ៣០នាទី ថ្ងៃទី ២៦ ខែឧសភា ឆ្នាំ ២០២៤ កម្លាំងយើងបានធ្វើបានធ្វើការស៊ើបអង្កេតស្រាវជ្រាវបង្ក្រាបជាក់ស្ដែង ឃាត់ខ្លួនជនសង្ស័យបាន០១នាក់ ឈ្មោះថន ធូ ភេទប្រុសអាយុ ២៦ ឆ្នាំ (ជាអ្នកដឹកជញ្ជូនថ្នាំញៀនអោយមេខ្លោងឈ្មោះ ហ៊លរស់នៅភ្នំពេញ ) រស់នៅបន្ទប់ជួលម្ដុំព្រែកទាសង្កាត់ចោមចៅខណ្ឌពោធិ៍សែនជ័យរាជធានីភ្នំពេញ។
– ដកហូតម្សៅក្រាមពណ៌សថ្លាចំនួន០២កញ្ចប់ ទម្ងន់:១០៧,០៣ក្រាម(ថ្លឹងទាំងសំបក់ថង់)
– ម៉ូតូ០១គ្រឿង ម៉ាកC125ពណ៌ខ្មៅស្លាកលេខតាកែវ1G8707 ,ទូរស័ព្ទ០១គ្រឿន ។
– ក្រោយពីរទទួលព័ត៌មានពីឈ្មោះ ថន ធូ ភេទប្រុស អាយុ ២៦ឆ្នាំ ពីមុខសញ្ញា មេខ្លោងជួញដូរគ្រឿងញៀនខាងលើ កម្លាំងយើងបានធ្វើការប្រតិបត្តិការបង្ក្រាប.នៅថ្ងៃទី២៦/២៧ /០៥ /២៤ ជំនាញយើងពន្លាតដែនសមត្ថកិច្ចពីខេត្តតាកែវ ទៅរាជធានីភ្នំពេញ សហការ អ ហ ផ ទ និង អហក្រុង អហខណ្ឌ ដោយបានការអនុញ្ញាតពីលោឧត្តមសេនីយ៍មេបញ្ជាការ និង ឯកឧត្តមព្រះរាជអាជ្ញាសាលាដំបូងខេត្តតាកែវ ឯកឧត្តមព្រះរាជារាជធានីភ្នំពេញ ទៅបន្ទប់ជួលរបស់មេខ្លោង ឈ្មោះ ហ៊ល នៅបូរីផុនស៊ុយ ភូមិភូមិជ្រៃកោង ចោមចៅ២ ពោធ៏សែនជ័យ ចំពោះមុខឈ្មោះ ថន ធូ ជាក់ស្ដែងឃាត់ខ្លួនជនសង្ស័យបានចំនួន០២នាក់( ស្រី០១)
១/ ឈ្មោះយ៉េប ហារ៉ាម៉ៃ ហៅទឹង (ប) អាយុ៣០ឆ្នាំ ជនជាតិឥស្លាម (ជាកូនចៅមេខ្លោង ហាត ហ៊ល ជាអ្នកដឹកជញ្ជូនគ្រឿងញៀន) រស់នៅភូមិកំពុងយោល់ ឃុំគោកពោធិ៍ ស្រុកបូរីជួសារ ខេត្តតាកែវ។ ២/ឈ្មោះ គង់ រក្សា (ស្រី) អាយុ២០ឆ្នាំ ជនជាតិខ្មែរ (ជាអ្នកទទួលវេរប្រាក់ដកប្រាក់) រស់នៅបុរីផុនស៊ុយ ភូមិស្រីកោង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។
ដកហូតវត្ថុតាងរួមនិងវត្ថុតាង៖ – ក្រាមពណ៌សថ្លាចំនួន០២កញ្ចប់តូចទម្ងន់: ២៤,៨៩ក្រាម (ថ្លឹងទាំងសំបក់ថង់)
– ម៉តូ០១គ្រឿង (ម៉ាកនិច) ភ្នំពេញ1KQ 3475
– ទូរសព្ទ័ចំនួន០២គ្រឿង និងសម្ភារៈពាក់ព័ន្ធវេប្រាក់ដកប្រាក់មួយចំនួន សៀវភៅចំនួន ១ក្បាល កត់ទទួលប្រាក់វេចេញនិងវេចូល ថ្លៃជួញដូរគ្រឿងញៀ។
បន្តទៅត្រួតពិនិត្យបន្ទប់ជួលរបស់មេខ្លោង ឈ្មោះហាត់ ហ៊ល នៅម្ដុំព្រៃទា១ សង្កាត់ចោមចៅ ៣ ខណ្ឌពោធិ៍សែនជ័យ រាជធានីភ្នំពេញ (សង្ស័យឈ្មោះ ហាត ហ៊ល គេចខ្លួន) ក្រុមចម្រុះធ្វើការត្រួតពិនិត្យ០២បន្ទប់លទ្ធផលរកឃើញ÷
– ម្សៅក្រាមពណ៌សថ្លាចំនួន ០១កញ្ចប់ និងកញ្ចប់ច្រកគ្រឿងញៀនចំនួន ០៤ កញ្ចប់ និងសម្ភារៈប្រើប្រាស់មួយចំនួន។- ម្សៅក្រាមសរុប:០៤កញ្ចប់ទម្ងន់:១៣១,៩២ក្រាម (ថ្លឹងទាំងសំបក់ថង់)។
បច្ចុប្បន្នជនសង្ស័យ និងវត្ថុតាងទាំងអស់ត្រូវបានឃាត់ខ្លួន រក្សាទុកនៅបញ្ជាការដ្ឋានកងរាជអាវុធហត្ថខេត្ត ការិយាល័យជំនាញកំពុងកសាងសំណុំរឿងបញ្ជូនទៅអយ្យការ អមសាលាដំបូងខេត្តតាកែវចាត់ការតាមនីតិវិធី៕
