រាជរដ្ឋាភិបាល ប្រគល់អង្ករចំនួន១៥តោន និងសម្ភារៈមួយចំនួនជូនដល់តំបន់ប្រតិបត្តិការសឹករងព្រះវិហារ
ភ្នំពេញ៖ នៅថ្ងៃទី២៨ ខែឧសភា ឆ្នាំ២០២៤
តំបន់ប្រតិបត្តិការសឹករងព្រះវិហារ បានរៀបចំពិធីទទួលអំណោយរបស់ រាជរដ្ឋាភិបាលកម្ពុជាតាមរយៈមន្ទីរសង្គមកិច្ច អតីតយុទ្ធជន និងយុវនិតិសម្បទាខេត្ដ ផ្ដល់ ជូន សមាគម អតីត យុទ្ធ ជន កម្ពុជា ខេត្ត ព្រះវិហារ ដែលមាន ឯកឧត្ដម ឧត្ដម សេនីយ៍ ទោ ច័ន្ទ សុភ័ក្ដ្រា មេបញ្ជាការ តំបន់ ប្រតិបត្តិការ សឹករងព្រះវិហារ និងជា ប្រធានសមា គមអតីតយុទ្ធជនកម្ពុជាខេត្ដព្រះវិហារ ដេីម្បី ត្រៀមចែកជូនដល់អតីតយុទ្ធជនកម្ពុជាខេត្ដ ព្រះវិហារ ដែលមាន ជីវភាព ខ្វះខាត ក្រោមអធិបតីភាព ឯកឧត្ដម គីម រិទ្ធី អភិបាល នៃ គណៈអភិបាលខេត្ដ និងជាប្រធាន កិត្តិយស សមាគម អតីត យុទ្ធ ជន កម្ពុជា ខេត្ត ព្រះវិហារ ។
លោក រស់ ស៊ីថា ប្រធានមន្ទីរ សង្គមកិច្ច និងយុវនិតិសម្បទាខេត្តបានឡើងរាយការណ៍អំពីរបាយការណ៍ដែលទទួលអំណោយពីសំណាក់រាជរដ្ឋាភិបាលជូនគណៈអធិបតី រួចមក ឯកឧត្ដម ឧត្ដមសេនីយ៍ទោ ច័ន្ធ សុភ័ក្រ្តា មេបញ្ជាការតំបន់ប្រតិបត្តិការសឹករង និងជាប្រធានសមាគមន៍អតីតយុទ្ធជនកម្ពុជាខេត្តព្រះវិហារ បានរាយការណ៍លំអិតអំពីសមាជិកសមាគមអតីតយុទ្ធជនកម្ពុជាទូទាំងខេត្ត មានការលំបាកជាច្រើន ជូនអង្គពិធីផងដែរ។
ឯកឧត្ដម គីម រិទ្ធី អភិបាល នៃ គណៈអភិបាលខេត្ដ និងជាប្រធាន កិត្តិយស សមាគម អតីត យុទ្ធ ជន កម្ពុជា ខេត្ត ព្រះវិហារ បានលើកឡើងថា សម្ភារៈទាំងអស់នេះជាអំណោយដ៏ថ្លៃថ្លារបស់ប្រមុខរាជរដ្ឋាភិបាល ដើម្បី ត្រៀមចែកបន្តជូនដល់សមាជិកសមាគម អតីតយុទ្ធជនកម្ពុជាខេត្ដ ដែលមាន ជីវភាព ខ្វះខាត រួមនិងប្រជាពលរដ្ឋងាយរងគ្រោះ សូមអោយសមាគមចាត់ចែងតាមតម្រូវការដល់ប្រជាពលរដ្ឋរបស់យើងដែលជួបការលំបាក មិនថានៅទីណាឬកន្លែងណានោះទេ អោយតែមានការលំបាកយើងនាំអំណោយនេះទៅប្រគល់ជូនគាត់ដល់កន្លែងតែម្ដង៕
