ឧត្តមអគ្គានុរក្ស.១ ឈន សាណាត ជួបពិភាក្សាការងារជាមួយអគ្គនាយកស្តារសម្បទា ស្តីពីការពិនិត្យ កែសម្រួលលើសេចក្តីព្រាងប្រកាសអន្តរក្រសួង ស្តីពីបែបបទ និងនីតិវិធី នៃការគ្រប់គ្រងអនីតិជន

ភ្នំពេញ៖ នារសៀលថ្ងៃទី២៧ ខែឧសភា ឆ្នាំ២០២៤ ឯកឧត្តម ឧត្តមអគ្គានុរក្ស.១ ឈន សាណាត អគ្គនាយក នៃអគ្គនាយកដ្ឋានពន្ធនាគារ បានអញ្ជើញជួបពិភាក្សាការងារជាមួយ ឯកឧត្តម សន សុផល អគ្គនាយក នៃអគ្គនាយកដ្ឋានស្តារសម្បទា ក្រសួងសង្គមកិច្ច អតីតយុទ្ធជន និងយុវនីតិសម្បទា និងសហការី ស្តីពីការពិនិត្យ កែសម្រួលលើសេចក្តីព្រាងប្រកាសអន្តរក្រសួង ស្តីពីបែបបទ និងនីតិវិធី នៃការគ្រប់គ្រងអនីតិជនជាប់ឃុំក្នុងមណ្ឌលយុវនីតិសម្បទា។

ប្រកាសអន្តរក្រសួងនេះ បង្កើតឡើង ដើម្បីឆ្លើយតបនឹងច្បាប់ស្តីពីយុត្តិធម៌អនីតិជន ដែលផ្តោតយ៉ាងសំខាន់អំពីការការពារសិទ្ធិ និងឧត្តមប្រយោជន៍របស់អនីតិជន ក្នុងការងារការស្តារនីតិសម្បទា និងសមាហរណកម្មអនីតិជនទំនាស់នឹងច្បាប់ទៅក្នុងសហគមន៍វិញ ក្នុងគោលបំណងកែែប្រពួកគេឱ្យក្លាយជាពលរដ្ឋល្អក្នុងសង្គម ៕