អបអរសាទរទិវាជីវៈចម្រុះអន្តរជាតិ ២២ ឧសភា ការអភិរក្សកេសរកូលព្រៃកម្ពុជា
ភ្នំពេញ៖ កេសរកូល (អ័រគីដេ) ជាអំបូរដ៏ធំមួយនៅក្នុងរជ្ជរុក្ខជាតិ។ នៅលើភពផែនដីយើងនេះ គេបានធ្វើកាកត់ត្រាកេសរកូលនៅក្នុងធម្មជាតិបានចំនួនជាង ២៥,០០០ប្រភេទ ដែលក្នុងនោះជាង ១០,០០០ប្រភេទ ត្រូវបានរកឃើញនៅតំបន់ត្រូពិច ហើយជារៀងរាល់ឆ្នាំមានកេសរកូលព្រៃប្រភេទថ្មីៗរាប់រយប្រភេទត្រូវបានគេរកឃើញ និងដាក់ឈ្មោះតាមលក្ខណៈវិទ្យាសាស្ត្ររបស់វា។
បច្ចុប្បន្ន ក្រសួងបរិស្ថានបានធ្វើការសិក្សាស្រាវជ្រាវ និងប្រមូលកេសរកូលព្រៃបានចំនួន ២១០ប្រភេទ ហើយសំណាកប្រមាណ ៥,០០០សំណាក ត្រូវបានថែរក្សា និងអភិរក្សនៅមជ្ឈមណ្ឌលស្រាវជ្រាវ និងអភិរក្សកេសរកូល សុខ អាន ភ្នំគូលែន ខេត្តសៀមរាប ៕