ពន្ធនាគារខេត្តព្រះសីហនុ ប្រកាសព្រះរាជក្រឹត្យបន្ធូរបន្ថយទោស និងលើកលែងទោសទណ្ឌិត១៣នាក់
ភ្នំពេញ៖ នាល្ងាចថ្ងៃទី២៤ ខែឧសភា ឆ្នាំ២០២៤ លោកឧត្តមអគ្គានុរក្ស.២ ម៉ី ឌឿន ប្រធានពន្ធនាគារខេត្តព្រះសីហនុ បានអញ្ជើញចូលរួមក្នុងពិធីប្រកាសព្រះរាជក្រឹត្យបន្ធូរបន្ថយទោស ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ និងពិធីបុណ្យវិសាខបូជា ឆ្នាំ២០២៤ នៅពន្ធនាគារខេត្តព្រះសីហនុ ក្រោមអធិបតីភាព លោក ពេញ ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តព្រះសីហនុ។
យោងតាមព្រះរាជក្រឹត្យលេខ នស/រកត/០៥២៤/៤៦៨ ចុះថ្ងៃទី២៣ ខែឧសភា ឆ្នាំ ២០២៤ ទណ្ឌិតបន្ធូរបន្ថយទោសសម្រាប់បុណ្យចូលឆ្នាំថ្មីប្រពៃណីជាតិខ្មែរ និងបុណ្យវិសាខបូជា ឆ្នាំ២០២៤ នៅពន្ធនាគារខេត្តព្រះសីហនុ មានចំនួនសរុប ១៣នាក់ ស្ត្រី ០០នាក់ ក្នុងនោះរួមមាន៖
-បន្ធូរបន្ថយរយៈពេលទទួលរងទោស ៣ខែ ទណ្ឌិតចំនួន ១២នាក់ ស្រី្ត ០០នាក់
-បន្ធូរបន្ថយរយៈពេលទទួលរងទោស ៦ខែ ទណ្ឌិតចំនួន ០១នាក់ ស្រី្ត ០០នាក់ ៕