ឯកឧត្តម ពេជ្រ វាសនា ដឹកនាំគណៈប្រតិភូជប៉ុន ចុះពិនិត្យការប្រើប្រាស់និងការថែទាំ ប្រព័ន្ធធារាសាស្ត្រលំហាច ក្នុងខេត្តកំពង់ឆ្នាំង
ភ្នំពេញ៖ នៅព្រឹកថ្ងៃទី២៣ ខែឧសភា ឆ្នាំ២០២៤ ឯកឧត្តម ពេជ្រ វាសនា អនុរដ្ឋលេខាធិការ និងជានាយកគម្រោងជួសជុល និងកែលម្អប្រព័ន្ធស្រោចស្រព និងប្រព័ន្ធដោះទឹកខាងលិចបឹងទន្លេសាប និង សហការី ដោយមានការចូលរួម ពីម ន្ទីរធនធានទឹក និង ឧតុនិយម ខេត្តកំពង់ឆ្នាំង បានដឹកនាំគណៈប្រតិភូជប៉ុន ចុះពិនិត្យ ការប្រើប្រាស់ និងការ ថែទាំ ប្រព័ន្ធធារាសាស្ត្រ លំហាច ស្ថិតក្នុង ស្រុកបរិបូណ៌ និង ស្រុករលាប្អៀ រ ខេត្តកំពង់ឆ្នាំង បន្ទាប់ពីប្រព័ន្ធធារាសាស្ត្រនេះបាន បញ្ចប់ការសាងសង់កាលពីឆ្នាំ២០២០ កន្លងមក។
សូមជម្រាបថា គណៈប្រតិភូជប៉ុន ដែលអញ្ជើញចុះពិនិត្យ ការងារ នាពេលនេះ ដឹកនាំ ដោយ លោក KATAOKA Hiroki មន្ត្រីជាន់ខ្ពស់ក្រសួងការបរទេស និងសហប្រតិបត្តិការអន្តរជាតិមកពីទីក្រុងតូក្យូ ប្រទេសជប៉ុន លោកស្រី FUJIMOTO Shoko លេខាទី១ និងមន្ត្រី ស្ថានទូតជប៉ុនប្រចាំកម្ពុជា លោកស្រី MIYASHITA Akiko មន្ត្រីជាន់ខ្ពស់នៃទីភ្នាក់ងារសហប្រតិបត្តិការអន្តរជាតិជប៉ុន (JICA) ប្រចាំព្រះរាជាណាចក្រកម្ពុជា។
ឯកឧត្តម អនុរដ្ឋលេខាធិការ បាន បញ្ជាក់ថា ប្រព័ន្ធធារាសាស្ត្រលំហាច ស្ថិតក្នុងស្រុកបរិបូណ៌ និងស្រុករលាប្អៀ រ ខេត្តកំពង់ឆ្នាំង មានសក្តានុពល អាចស្រោចស្រពលើផ្ទៃដីបង្កបង្កើនផល រដូវវស្សាចំនួន ៣២៨៩ហិកតា និងរដូវ ប្រាំងចំនួន ៣១៨ហិកតា។
បន្ទាប់ពីបានចុះពិនិត្យដល់ទីតាំង ផ្ទាល់ តំណាង ប្រតិភូជប៉ុន បានថ្លែងនូវការ កោតសរ សើរ និងវាយតម្លៃខ្ពស់ចំពោះកិច្ចដំណើរការ និងការថែទាំជាប្រចាំ ដោយក្រសួង និងមន្ទីរធនធានទឹក និងឧតុនិ យមខេត្តកំពង់ឆ្នាំង។ ជាមួយគ្នានេះ តំណាង ប្រតិភូជប៉ុន ក៏បានសំណូមពរដល់ក្រសួង និងមន្ទីរធនធានទឹក និងឧតុនិយមខេត្ត ឱ្យបន្តយកចិត្តទុកដាក់ក្នុងការថែទាំប្រព័ន្ធធារាសាស្ត្រលំហាចឱ្យ មានប្រសិទ្ធភាព និងមាន និរន្តរភាព៕