**ឃាតកររបស់មេបញ្ជាការ Donbass ត្រូវបានកាត់ទោសនៅប្រទេសរុស្ស៊ី**ហ្វីលីពីន​ចោទ​ចិន​ពីបទ​លួច​ចម្លង​បន្ទាប់ពី​ឆ្មាំ​ឆ្នេរសមុទ្រ​ឡើង​លើ​នាវា​ទ័ពជើងទឹក​នៅ​សមុទ្រ​ចិន​ខាងត្បូង**ទីភ្នាក់ងារឥណ្ឌូណេស៊ីបិទគណនីធនាគារចំនួន៥ពាន់គណនី ពាក់ព័ន្ធទៅនឹងការលេងល្បែងអនឡាញ**ក្រសួងសេដ្ឋកិច្ច បើកយុទ្ធនាការបណ្តុះបណ្តាល និងវិក្រឹតការលើ «វិធាន និងបទប្បញ្ញត្តិស្តីពីលទ្ធកម្មសាធារណៈ» ជូនមន្ត្រីជំនាញទទួលបន្ទុកកិច្ចលទ្ធកម្មសាធារណៈ**អង្គភាពអ្នកនាំពាក្សរាជរដ្ឋាភិបាល បង្ហាញលទ្ធផលជោគជ័យនៃដំណើរបំពេញទស្សនកិច្ចផ្លូវការនៅសិង្ហបុរី របស់សម្តេចធិបតី ហ៊ុន ម៉ាណែត**គណៈកម្មការទី៨នៃរដ្ឋសភា​ ជំរុញឱ្យភាគីពាក់ព័ន្ធទាំងអស់ក្នុងខេត្តព្រះសីហនុ យកចិត្តទុកដាក់សម្រេចឱ្យបានជោគជ័យនូវគោលនយោបាយបណ្តុះបណ្តាលវិជ្ជាជីវៈរបស់រដ្ឋ ១,៥លាននាក់ដោយឥតគិតថ្លៃ**ឯកឧត្ដមបណ្ឌិត​ លី ធុជ៖​ ផែនការសកម្មភាពសៀមរាប-អង្គរ និងសេចក្តីថ្លែងការណ៍នយោបាយ នឹងក្លាយជាប្លង់មេនៃកិច្ចខិតខំប្រឹងប្រែងនាពេលអនាគត ក្នុងការបង្កើតផ្លូវឆ្ពោះទៅមុខប្រកបដោយមហិច្ឆតា និងអាចសម្រេចបាន**ឯកឧត្តមរដ្ឋមន្រ្តី ហួត ហាក់ ដឹកនាំកិច្ចប្រជុំថ្នាក់ដឹកនាំក្រសួងប្រចាំសប្តាហ៍ ដើម្បីតាមដានត្រួតពិនិត្យ និងវាយតម្លៃវឌ្ឍនភាពការងាររបស់ក្រសួងអធិការកិច្ច**ឯកឧត្តមរដ្ឋមន្ត្រី ថោ ជេដ្ឋា អញ្ជើញចូលរួមកម្មវិធីសប្តាហ៍ទឹកអន្តរជាតិសិង្ហបុរីលើកទី១០ ឆ្នាំ២០២៤ នៅប្រទេសសិង្ហបុរី**ឯកឧត្តម ហ្សង់ ហ្វ្រង់ស័រ តាន់៖ កម្ពុជាស្នើដល់សិង្ហបុរី បើកជើងហោះហើរត្រង់ពីសិង្ហបុរី ទៅខេត្តព្រះសីហនុ និងបន្ថែមចំនួនដែលមានស្រាប់ ពីសិង្ហបុរី មកភ្នំពេញ និងពីសិង្ហបុរី មកខេត្តសៀមរាប**ឯកឧត្តម ហ្សង់ ហ្វ្រង់ស្វ័រ តាន់៖ សម្ដីរបស់ឯកឧត្តមទេសរដ្ឋមន្ត្រី លី ស៊ានឡុង កាលពីឆ្នាំ២០១៩ ដែលថា «វៀតណាមឈ្លានពានកម្ពុជា» មិនបានធ្វើឱ្យប៉ះពាល់ដល់ទំនាក់ទំនងប្រទេសទាំងពីរនោះទេ**ឯកឧត្តម ហ្សង់ ហ្វ្រង់ស្វ័រ តាន់៖ កម្ពុជា-សិង្ហបុរី ឯកភាពបន្តកិច្ចពិគ្រោះយោបល់នយោបាយជាទៀងទាត់ ដើម្បីពង្រីកកិច្ចសហប្រតិបត្តិការឱ្យបានទូលំទូលាយ លើវិស័យចំនួន៤**ឯកឧត្តម ហ្សង់ ហ្វ្រង់ស្វ័រ តាន់៖ កម្ពុជាគង់តែស្គាល់ភាពរុងរឿងដូចសិង្ហបុរី បើរក្សាបានសន្តិភាព ស្ថិរភាព និងប្រឹងប្រែងអភិវឌ្ឍសេដ្ឋកិច្ច**ឯកឧត្តម ហ្សង់ ហ្វ្រង់ស្វ័រ តាន់ បង្ហាញពីលទ្ធផល នៃដំណើរបំពេញទស្សនកិច្ចរបស់សម្តេចធិបតី ទៅកាន់សិង្ហបុរី**ឯកឧត្តម ហ្សង់ ហ្វ្រង់ស្វ័រ តាន់៖ កម្ពុជា គ្រាន់តែសិក្សាពីគំរូខ្លាំងរបស់សិង្ហបុរី ប៉ុន្តែមិនយកតម្រាប់តាម១០០ភាគរយនោះទេ**ឯកឧត្តមបណ្ឌិត ជិន ម៉ាលីន ដឹកនាំកិច្ចប្រជុំក្រុមច្ចេកទេសស្នូល ពិនិត្យលើការរៀបចំគម្រោងដោះស្រាយវិវាទជូនប្រជាពលរដ្ឋរស់នៅតំបន់ដាច់ស្រយាល និងតំបន់ជនជាតិដើមភាគតិច**ឧបនាយករដ្ឋមន្ត្រីប្រចាំការ វង្សី វិស្សុត បន្តដឹកនាំកិច្ចប្រជុំគណៈកម្មការរៀបចំព្រះរាជពិធីបុណ្យទីឃាយុវឌ្ឍនមង្គលថ្វាយសម្ដេច ព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត ក្នុងព្រះជន្ម១០០ យាងចូល ១០១ព្រះវស្សា**ក្រសួងការបរទេស ប្រកាសលទ្ធផលប្រកបដោយផ្លែផ្កា នៃដំណើរទស្សនកិច្ច​ផ្លូវការ​របស់​ សម្តេចធិបតី​ ហ៊ុន ម៉ាណែត ​​នៅ​ប្រទេសសិង្ហបុរី​**សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចនៅវិទ្យាស្ថានពហុបច្ចេកទេសណានយ៉ាង**សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចនៅអគារហេដ្ឋារចនាសម្ព័ន្ធ របស់ក្រុមហ៊ុន Keppel

ឯកឧត្តម ស្វាយ សំអ៊ាង អំពាវនាវឲ្យអង្គបោះឆ្នោតទាំងអស់ បោះឆ្នោតគាំទ្របក្សប្រជាជន ដើម្បីបន្តចូលរួមថែរក្សាសុខសន្តិភាព និងការអភិវឌ្ឍន៍ប្រទេស

ភ្នំពេញ៖ ឯកឧត្តម ស្វាយ សំអ៊ាង សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សប្រជាជនកម្ពុជាខេត្តស្ទឹងត្រែង នាថ្ងៃទី២៣ ខែឧសភា ឆ្នាំ២០២៤ បានអញ្ជើញដឹកនាំយុទ្ធនាការឃោសនាបោះឆ្នោតជ្រើសរើសក្រុមប្រឹក្សាខេត្ត ក្រុង/ស្រុក អាណត្តិទី៤ ឆ្នាំ២០២៤ ក្នុងស្រុកថាឡាបរិវ៉ាត់។

ពិធីនេះត្រូវបានធ្វើឡើង នៅទីស្នាក់ការគណបក្សស្រុកថាឡាបរិវ៉ាត់ ដោយការចូលរួមពី ឯកឧត្តមគណៈប្រចាំការ, ឯកឧត្តមប្រធានក្រុមការងារគណបក្សចុះមូលដ្ឋានស្រុក និងសមាជិក សមាជិកាសរុបចំនួន ៩៦នាក់ (ក្នុងនោះស្រី ១៦នាក់ និងអង្គបោះឆ្នោត ៣៨នាក់)។

ជាកិច្ចចាប់ផ្ដើម ឯកឧត្តម ហាក់ វិមាន សមាជិកអចិន្ត្រៃយ៍ និងជាប្រធានគណៈចាត់តាំងគណបក្សខេត្ត បានឡើងឧទ្ទេសនាមបេក្ខភាពក្រុមប្រឹក្សាខេត្ត ក្រុមប្រឹក្សាស្រុក បន្ទាប់មកឯកឧត្តម ឈាង ឡាក់ សមាជិកគណៈកម្មាធិការកណ្តាល និងជាប្រធានប្រចាំការ នៃគណៈកម្មាធិការគណបក្សខេត្ត បានឡើងមានមតិចំណាប់អារម្មណ៍ និងឯកឧត្តម ញ៉ែម សាម៉ន សមាជិកគណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានស្រុក បានមានប្រសាសន៍សំណេះសំណាលរួចមក ឯកឧត្តម ស្វាយ សំអ៊ាង បានថ្លែងថា ការបោះឆ្នោតជ្រើសរើសក្រុមប្រឹក្សាខេត្ត ក្រុមប្រឹក្សា ក្រុង ស្រុក អាណត្តិទី៤ ឆ្នាំ២០២៤នេះ គឺជាព្រឹត្តិការណ៍ប្រវត្តិសាស្ត្រថ្មីមួយទៀត របស់ប្រទេសកម្ពុជា ក្នុងដំណើរការ អនុវត្តលទ្ធិប្រជាធិបតេយ្យ សេរីពហុបក្ស បន្ទាប់ពីយើងទើបបានទទួលជោគជ័យ ក្នុងការបោះឆ្នោតព្រឹទ្ធសភា នីតិកាលទី៥ កាលពីថ្ងៃទី២៥ ខែកុម្ភៈ ឆ្នាំ២០២៤កន្លងទៅ ស្របតាមរដ្ឋធម្មនុញ្ញកម្ពុជា ក្នុងបរិយាកាសនយោបាយ ប្រកបដោយលក្ខណៈសេរី ត្រឹមត្រូវ និងយុត្តិធម៌។

ឯកឧត្តម ស្វាយ សំអ៊ាង បានលើកឡើងថា តាំងពីចាប់បដិសន្ធិឡើងរហូតមកដល់ពេលនេះ គណបក្សប្រជាជនកម្ពុជា បានប្រកាន់ខ្ជាប់នូវគោលបំណង និងឧត្ដមគតិរបស់ខ្លួនជាប់ជានិច្ច ដោយរួមសុខរួមទុក្ខជាមួយប្រជាជន ពុះពារជម្នះគ្រប់ឧបសគ្គជាមួយប្រជាជន ព្រមទាំងហ៊ានធ្វើពលិកម្មគ្រប់បែបយ៉ាង ដើម្បីជាតិ និងប្រជាជន។

រយៈពេល៤៥ឆ្នាំមកនេះ ឈរលើមូលដ្ឋាន នៃថ្ងៃជ័យជម្នះ ៧ មករា នៅលើកំណាត់ផ្លូវដ៏បត់បែន លំបាកស្មុគស្មាញ និងតស៊ូប្តូរផ្តាច់ គណបក្សប្រជាជនកម្ពុជា បានដឹកនាំប្រទេស ឱ្យឈានទៅមុខជាជំហានៗ ជម្នះរាល់ឧបសគ្គ បង្កើតបានសមិទ្ធផលធំៗជាប្រវត្តិសាស្ត្រយ៉ាងច្រើនជូនជាតិ ក្នុងបុព្វហេតុស្តារ កសាង និងការពារមាតុភូមិ។ រាល់ការប៉ុនប៉ងរបស់បណ្តាមជ្ឈដ្ឋានអគតិ ដែលចង់នាំកម្ពុជាឱ្យវិលទៅរកអស្ថិរភាព និងសង្គ្រាមវិញ សុទ្ធតែត្រូវបានបរាជ័យ។

ឯកឧត្តមប្រធានគណៈកម្មាធិការគណបក្សប្រជាជនកម្ពុជាខេត្ត បានរំលេចថា គណបក្សប្រជាជនកម្ពុជា មាននូវគុណបំណាច់ច្រើនរាប់មិនអស់ចំពោះជាតិ។ ក្នុងនោះ គុណបំណាច់នៃការសង្គ្រោះជីវិតប្រជាជនពីមាត់រណ្ដៅមរណៈនៃរបបប្រល័យពូជសាសន៍, ការដឹកនាំប្រទេសឱ្យមានភាពចម្រើន, ការកសាងប្រជាធិបតេយ្យ សេរី ពហុបក្សនៅកម្ពុជា, ការកសាងមោទនភាពជាតិ និងលើកកម្ពស់កិត្យានុភាពជាតិនៅលើឆាកអន្តរជាតិ គឺជាអ្វីដែលយើងគ្រប់គ្នាបានឃើញជាក់ស្ដែង និងមិនអាចប្រកែកបានឡើយ។

ឯកឧត្តមប្រធានគណៈកម្មាធិការគណបក្សប្រជាជនកម្ពុជាខេត្ត បានមានប្រសាសន៍ថា ជ័យជម្នះជាបន្តបន្ទាប់ក្នុងការបោះឆ្នោតនាពេលកន្លងទៅ ដោយសារតែអំពើល្អរបស់មន្ត្រីបក្ស មានថ្នាក់ដឹកនាំបក្សដែលពោរពេញដោយទេពកោសល្យ និងគតិបណ្ឌិត មានចក្ខុវិស័យវែងឆ្ងាយ និងប្រកបដោយការទទួលខុសត្រូវ នៅជាប់នឹងប្រជាជន និងគណបក្សមានគោលនយោបាយដ៏ត្រឹមត្រូវ ជាក់ស្តែងនិយម និងឆ្លើយតបនឹងតម្រូវការ និងបំណងដ៏ពិសិដ្ឋរបស់ប្រជាពលរដ្ឋ។

ឯកឧត្តមប្រធានគណៈកម្មាធិការគណបក្សប្រជាជនកម្ពុជាខេត្ត ក៏បានអំពាវនាវដល់អង្គបោះឆ្នោតទាំងអស់ នៅក្នុងស្រុកថាឡាបរិវ៉ាត់ បោះឆ្នោតគាំទ្រគណបក្សប្រជាជនកម្ពុជា ដើម្បីគណបក្សប្រជាជនកម្ពុជា បន្តដឹកនាំក្រុមប្រឹក្សាខេត្ត ក្រុងស្រុកបន្តទៀត និងចូលរួមថែរក្សាសុខសន្តិភាព ការអភិវឌ្ឍន៍ប្រទេស និយាយជារួមនិងនិយាយដោយឡែក ការអភិវឌ្ឍន៍នៅក្នុងខេត្តស្ទឹងត្រែងទាំងមូល ៕

អត្ថបទដែលជាប់ទាក់ទង