សាហាវណាស់! មីងកាប់ចិញ្ចាំសម្លាប់ក្មួយស្រីកំពុងដេក បណ្ដាលឱ្យស្លាប់ក្នុងថ្លុកឈាម ដោយសារខឹងរឿងលេងទូរស័ព្ទ និងចេញចូលផ្ទះយប់ជ្រៅ
ភ្នំពេញ៖ នារីម្នាក់ខណៈកំពុងដេក ត្រូវបានមីងចិត្តសាហាវព្រៃផ្សៃកាប់ចិញ្ច្រាំចំផ្ទៃមុខបណ្ដាលឱ្យស្លាប់ក្នុងធ្លាប់ឈាម។
ករណីឃាតកម្មនេះកើតឡើងនៅវេលម៉ោង០១និង៣០នាទីយប់ នៅថ្ងៃទី១៩ ខែឧសភា ឆ្នាំ២០២៤ ស្ថិតនៅចំណុចក្រុមទី០១ ភូមិខ្នាចរមាស ឃុំខ្នាចរមាស ស្រុកបវេល ខេត្តបាត់ដំបង។
អធិការនគរបាលស្រុកបវេល បានឱ្យដឹងថា ជនសង្ស័យ មានឈ្មោះ ពៅ ដារី ភេទស្រី អាយុ៤៥ឆ្នាំ រស់នៅភូមិឃុំកើតហេតុខាងលើ បានធ្វើសកម្មភាព យកពូថៅកាប់ ទៅលើជនរងគ្រោះ ដែលជាក្មួយស្រី ឈ្មោះ គឹម ហ៊ាង ភេទស្រី អាយុ១៦ឆ្នាំ រស់នៅភូមិឃុំជាមួយគ្នា ដែលកំពង់ដេកលក់លើគ្រែ បណ្ដាលឱ្យត្រូវមុខ និងក្បាល ជាច្រើនពូថៅ ស្លាប់នៅកន្លែងកើតហេតុ។
នៅចំពោះមុខសមត្ថកិច្ច ជនសង្ស័យបានសារភាពថា មូលហេតុដែលឈានដល់ការសម្លាប់ជនរងគ្រោះ គឺខឹងជនរងគ្រោះ ចេះតែនិយាយទូរស័ព្ទលឺៗ និងចេញចូលផ្ទះយប់ជ្រៅពេក។
បច្ចុប្បន្នជនសង្ស័យ ត្រូវបានឃាត់ខ្លួនបណ្ដោះអាសន្ន នៅអធិការនគរបាលស្រុកបវេល ដើម្បីរៀបចំសំណុំរឿងបញ្ជូនទៅការិយាល័យជំនាញអនុវត្តតាមនីតិវិធីច្បាប់ ៕
