គណៈកម្មាធិការសិទ្ធិមនុស្សកម្ពុជា នឹងរៀបចំសន្និសីទសារព័ត៌មានស្តីពី “ស្ថានភាពសិទ្ធិមនុស្សនៅកម្ពុជា នាដើមឆ្នាំ២០២៤” នៅព្រឹកស្អែក
ភ្នំពេញ៖ គណៈកម្មាធិការសិទ្ធិមនុស្សកម្ពុជាបានឱ្យដឹងថា ឯកឧត្តម កែវ រ៉េមី ទេសរដ្ឋមន្ត្រី ប្រធានគណៈកម្មាធិការសិទ្ធិមនុស្សកម្ពុជា នឹងរៀបចំសន្និសីទសារព័ត៌មានស្តីពី “ស្ថានភាពសិទ្ធិមនុស្សនៅកម្ពុជា នាដើមឆ្នាំ២០២៤” នៅថ្ងៃសុក្រ ទី៣ ខែឧសភា ឆ្នាំ២០២៤ វេលាម៉ោង ៩:០០ នាទីព្រឹក នៅទីស្នាក់ការគណៈកម្មាធិការសិទ្ធិមនុស្សកម្ពុជា អគារលេខ៣ ផ្លូវ VI.13 ភូមិទួល សំពៅ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។
អាស្រ័យដូចបានជម្រាបជូនខាងលើ សូមអ្នកសារព័ត៌មានជាតិ និងអន្តរជាតិ និងគ្រប់បណ្តាញ អង្គភាពពាក់ព័ន្ធទាំងអស់មេត្តាជ្រាប និងអញ្ជើញចូលរួមយកព័ត៌មានដោយក្ដីសោមនស្ស។
ចំពោះព័ត៌មានពិស្តារ សូមទាក់ទងផ្ទាល់មកកាន់អ្នកនាំពាក្យគណៈកម្មាធិការសិទ្ធិមនុស្សកម្ពុជា ឯកឧត្តម ប៉ា ប៉ុណ្ណារ៉ាដា (០១២ ៦៨៦ ៧៩៨) ឬ ឯកឧត្តម ស៊ាង ចិន្តា (០៧៧ ៣៣៥ ៦៤៤)៕
