ក្រសួងមហាផ្ទៃ រៀបចំកិច្ចប្រជុំស្តីពីវឌ្ឍនភាពការអនុវត្តការងារ និងផែនការបន្តរបស់សាលាជាតិរដ្ឋបាលមូលដ្ឋាន
ភ្នំពេញ៖ នារសៀលថ្ងៃទី២៩ ខែមេសា ឆ្នាំ២០២៤ សាលាជាតិរដ្ឋបាលមូលដ្ឋាន ក្រសួងមហាផ្ទៃ បានរៀបចំកិច្ចប្រជុំស្តីពីវឌ្ឍនភាពការអនុវត្តការងារ និងផែនការបន្តរបស់សាលាជាតិរដ្ឋបាលមូលដ្ឋាន ក្រោមអធិបតីភាព ឯកឧត្តម កុល វីរក្ស រដ្ឋលេខាធិការ ក្រសួងមហាផ្ទៃ និង ឯកឧត្តមបណ្ឌិត ទូច វិសាលសុខ រដ្ឋលេខាធិការ ក្រសួងមហាផ្ទៃ ដោយមានការអញ្ជើញចូលរួមពីឯកឧត្តមអនុរដ្ឋលេខាធិការ ឯកឧត្តមនាយក នាយករងសាលា លោក លោកស្រីប្រធាន អនុប្រធាននាយកដ្ឋាន និងប្រធានការិយាល័យ ចំនួន ៣៥រូប (ស្រី ១០រូប) នៅសាលប្រជុំខេត្តកំពត ទីស្តីការក្រសួងមហាផ្ទៃ។
នាឱកាសនោះ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន បានរាយការណ៍ពីវឌ្ឍនភាពការអនុវត្តការងារ និងផែនការបន្តរបស់សាលាជាតិរដ្ឋបាលមូលដ្ឋាន ជូនអង្គប្រជុំទាំងមូល។
ឯកឧត្តមរដ្ឋលេខាធិការទាំងពីរ បានផ្តល់អនុសាសន៍មួយចំនួនដល់ការអនុវត្តការងាររបស់សាលាដើម្បីអនុវត្តប្រកបដោយប្រសិទ្ធភាព ឈានទៅសម្រេចបាននូវចក្ខុវិស័យ និងផែនការយុទ្ធសាស្ត្ររបស់ខ្លួន៕
