អាជ្ញាធរជាតិប្រយុទ្ធប្រឆាំងគ្រឿងញៀន បង្ហាញលទ្ធផល នៃការធ្វើតេស្តរកសារធាតុញៀនលើមន្ត្រីរាជការ និងមន្ត្រីជាប់កិច្ចសន្យា
ភ្នំពេញ៖ អាជ្ញាធរជាតិប្រយុទ្ធប្រឆាំងគ្រឿងញៀន នៅថ្ងៃទី២៩ ខែមេសា ឆ្នា២០២៤នេះ បានចេញសេចក្តីប្រកាសព័ត៌មានបង្ហាញលទ្ធផល នៃការធ្វើតេស្តរកសារធាតុញៀនលើមន្ត្រីរាជការ និងមន្ត្រីជាប់កិច្ចសន្យា ដូចខាងក្រោម៖
– មកដល់ថ្ងៃទី២៩ ខែមេសា ឆ្នាំ២០២៤នេះ ក្រសួង ស្ថាប័ន និងរដ្ឋបាលថ្នាក់ក្រោម ជាតិ មួយ ចំនួនបានចាត់តាំងអនុវត្តបទបញ្ជានេះ ដោយបានធ្វើតេស្តរហ័ស រកសារធាតុញៀន ក្នុ ង ទឹកមូត្រ ចំពោះមន្ត្រីរាជការស៊ីវិល មន្ត្រីនគរបាលជាតិ យោធិន ព្រមទាំងមន្ត្រី ជាប់កិច្ច សន្យា សរុបបានចំនួន៥៦,៤៤៥រូប ក្នុងនោះមាន លទ្ធផលវិជ្ជមានសារធាតុញៀន ក្នុងទឹក មូត្រ ចំនួន៧៦រូប ដែលមន្ត្រីទាំងនេះត្រូវបានបណ្តេញចេញពីក្របខ័ណ្ឌ
– បានចេញសេចក្តីណែនាំលេខ០០១ សណន. អ.ជ . ប .គ.ញ. ចុះថ្ងៃទី១ ខែមេសា ឆ្នាំ២០២៤ ស្តី ពី វិធានការ ក្នុងការចាត់ តាំង អនុវត្ត បទបញ្ជា របស់ រាជរដ្ឋាភិបាល លេខ០១បប ពាក់ព័ន្ធការប្រើប្រាស់ឧបករណ៍ធ្វើតេស្ត របៀបក្នុងការធ្វើតេស្ត ការ បញ្ជាក់ លទ្ធផលតេស្ត និង ចំណាត់ ការចំពោះអ្នកវិជ្ជមានសារធាតុញៀន ដើម្បីពង្រឹងប្រសិទ្ធភាព ការអនុវត្តបទបញ្ជា លេខ០១បប របស់រាជរដ្ឋាភិបាល ដូចខាងក្រោម៖
១-បាននិងកំពុងខិតខំកៀរគរស្វែងរកជំនួយបន្ថែមពីសប្បុរសជន ជាតិ និងអន្តរជាតិនូវ ឧបករណ៍ ធ្វើ តេស្ត រហ័សរកសារធាតុញៀនតាមទឹកមូត្រសម្រាប់ប្រើប្រាស់ ចំពោះមុខ ។
២- បានសហការជាមួយក្រសួងសុខាភិបាល បង្កើតក្រុមការងារចំពោះកិច្ច ដោះស្រា យ លទ្ធផល មិនប្រក្រតីនៃការធ្វើតេស្តរហ័សរកសារធាតុញៀនក្នុងទឹកមូត្រ។
៣-បានបើកវគ្គបណ្តុះបណ្តាលមន្ត្រីបង្គោលរបស់អង្គភាពនានា ទាំងថ្នាក់ជាតិ និង ថ្នាក់ក្រោមជាតិ ដើម្បីឱ្យបណ្តាអង្គភាពទាំងនោះមានការយល់ដឹងនិងម្ចាស់ ការ ធ្វើ តេស្តរហ័សរកសារធាតុញៀនក្នុង ទឹកមូត្រដោយខ្លួនឯង ។
៤-បានណែនាំដល់សាមីក្រសួង ស្ថាប័ន ដែលបានបណ្តេញមន្ត្រីដែលមាន សារធាតុ ញៀន ចេញពីក្របខ័ណ្ឌ ត្រូវបញ្ជូនពួកគាត់ទៅទទួលការព្យាបាល និងស្តារនីតិសម្បទា ។
ជាមួយគ្នានេះអាជ្ញាធរជាតិប្រយុទ្ធប្រឆាំងគ្រឿងញៀន បានថ្លែងអំណរគុណចំពោះ កិច្ចសហការពីបណ្តាក្រសួង ស្ថាប័ន និងរដ្ឋបាលថ្នាក់ក្រោមជាតិ ព្រមទាំងសាធារណជនទាំងអស់ ទាំងក្នុង និងក្រៅប្រទេស ដែលបានគាំទ្រយ៉ាងមុតមាំដល់ការអនុវត្តបទបញ្ជាខាងលើដើម្បីការពារ សុខមាលភាព សេចក្តីសុខ និងសេចក្តីថ្លៃថ្នូររបស់ប្រជាជន និងប្រទេសកម្ពុជា៕
