នគរបាលស្រុកស្វាយចេក ត្រួតពិនិត្យអាវុធ ក្មេងទំនើងនិងជាតិអាល់កុលប៉ះចំអ្នកជួញដូរសារធាតុញៀនឃាត់ខ្លួន ២នាក់
បន្ទាយមានជ័យ៖ នៅវេលាម៉ោង១រំលងអាត្រឈានចូលថ្ងៃទី០៣ ខែមេសា ឆ្នាំ២០២៤ កម្លាំងជំនាញនៃអធិការដ្ឋានកម្លាំងប៉ុស្តិ៍នគរបាលតាបែន ស្វាយចេក រលួស បានធ្វើការត្រួតពិនិត្យអាវុធ ក្មេងទំនើង និង ត្រួតពិនិត្យជាតិអាល់កុល នៅចំណុចមុខអធិការដ្ឋាននគរបាលស្រុកស្វាយចេកលើផ្លូវជាតិលេខ ៥៦ A ភូមិរលួស ឃុំរលួស ស្រុកស្វាយចេក ខេត្តបន្ទាយមានជ័យ បានឃាត់ខ្លួនជនសង្ស័យប្រុស ស្រី ០២នាក់ ពាក់ព័ន្ធនឹងគ្រឿងញៀន។
លោកវរសេនីយ៍ឯក ជា ស្លូញ អធិការនគរបាលស្រុស្វាយចេក បានឲ្យដឹងថា៖អនុវត្តបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ឲ្យកម្លាំងនគរបាលក្រុង ស្រុក ធ្វើការត្រួតពិនិត្យអាវុធ ក្មេងទំនើង និង ត្រួតពិនិត្យជាតិអាល់កុល ដោយឡែកស្រុកស្វាយចេកកម្លាំងជំនាញនៃអធិការដ្ឋានកម្លាំងប៉ុស្តិ៍នគរ បាលតាបែន ស្វាយចេក រលួស ដឹកនាំដោយលោកអធិការរងចំនួន០៣នាក់ បានចុះប្រតិបត្តិការនៅលើផ្លូវជាតិលេខ ៥៦ A ភូមិរលួស ឃុំរលួស ស្រុកស្វាយចេក បានឃើញមនុស្ស០២នាក់ស្រី០១នាក់ជិះម៉ូតូ ០១ គ្រឿង ពីទិសខាងត្បូងទៅទិសខាងជើងពេលជិះមកដល់ចំណុចមុខតូបធ្វើម៉ូតូខាងត្បូងគោលដៅដែលយើងដាក់ត្រួតពិនិត្យប្រហែល២០០ម៉ែត្រក៏បានឈប់ប្រហែល១០នាទីក្រោយក៏ជិៈម៉ូតូទៅបន្តពេលមកគោលដៅដោយមានការសង្ស័យកម្លាំងយើងក៏បានទៅសួរនាំនិងទៅពិនិត្យមើលកន្លែងដែលពួកគេឈប់រកឃើញ ថង់នំកូនក្មេងពេលហែកមើលឃើញម្សៅក្រាមពណ៌សថ្លា ០១ ថង់ តែពួកគេបានបដិសេធ នៅពេលធ្វើរកសារធាតុញៀនគឺវិជ្ជមានទាំង០២នាក់។
លោកអធិការបានបន្តថា ជនសង្ស័យដែលត្រូវបានឃាត់ខ្លួន ១/- ឈ្មោះ គ្រិល វិលេន ភេទប្រុសអាយុ ៣៣ ឆ្នាំនៅភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។ ២/- ឈ្មោះ យឹក ធារី ភេទស្រី អាយុ ២៧ ឆ្នាំនៅភូមិ២ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។
បច្ចុប្បន្នជនសង្ស័យទាំង០២នាក់កំពុងសួរនាំនៅអធិការដ្ឋាននគរបាលស្រុក៕
