សម្ដេចធិបតី ហ៊ុន ម៉ាណែត៖ ការអប់រំ មិនមែនអប់រំត្រឹមមួយថ្ងៃ ១២ឆ្នាំ ឬ២០ឆ្នាំទេ គឺត្រូវការអប់រំ បណ្ដុះបណ្ដាលមួយជីវិត
ភ្នំពេញ៖ ក្នុងឱកាសអញ្ជើញ បិទសន្និបាតបូកសរុបវាយតម្លៃការងារអប់រំ យុវជន និងកីឡាឆ្នាំ២០២២-២០២៣ និងលើកទិសដៅការងារឆ្នាំសិក្សា២០២៣-២០២៤ ក្រោមប្រធានបទ “ឧត្ដមានុវត្តន៍នៃកំណែទម្រង់គ្រឹះស្ថានសិក្សា” នាថ្ងៃទី២ ខែមេសា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា ការអប់រំគឺមិនមែនអប់រំមួយថ្ងៃ ១២ឆ្នាំ ឬ១៦ឆ្នាំ ២០ឆ្នាំទេ គឺត្រូវការអប់រំមួយជីវិត បណ្ដុះបណ្ដាលមួយជីវិត។
សម្តេចធិបតី បញ្ជាក់ថា គ្រូបង្រៀនក៏ត្រូវតែរៀន សូម្បីសម្ដេចជានាយករដ្ឋមន្ត្រីក៏ត្រូវតែរៀនរាល់ថ្ងៃដែរ រៀនចំពោះបញ្ហាដែលកើតឡើង រៀនដោះស្រាយបញ្ហាដែលកើតថ្មី ប៉ុន្តែអ្វីដែលជាគុណភាព ធានានូវធនធានមនុស្ស គឺការអប់រំ ហើយជាពិសេសនៅមូលដ្ឋានគ្រឹះតែម្ដង។
សម្ដេចបន្ថែមថា ការកសាងមូលដ្ឋានគ្រឹះ ដែលយើងដាក់គោលដៅ គឺពង្រឹងនៅមូលដ្ឋាន គឺជាកិច្ចការសំខាន់ ៕