អភិបាលខេត្តស្ទឹងត្រែង៖ កម្ពុជា ឈានដល់ដំណាក់កាលអភិវឌ្ឍថ្មីបន្តទៀត ក្រោមការដឹកនាំដ៏ខ្ពង់ខ្ពស់ និងឈ្លាសវៃ របស់សម្ដេចធិបតី ហ៊ុន ម៉ាណែត

ភ្នំពេញ៖ ឯកឧត្ដម ស្វាយ សំអ៊ាង អភិបាលខេត្តស្ទឹងត្រែង បានលើកឡើងថា ប្រទេសកម្ពុជា បានឈានដល់ដំណាក់កាលអភិវឌ្ឍថ្មីបន្តទៀត ក្រោមការដឹកនាំដ៏ខ្ពង់ខ្ពស់ និងឈ្លាសវៃ សម្ដេចមហាបរវធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា នីតិកាលទី៧ នៃរដ្ឋសភា ។

តាមរយៈសុន្ទរកថាថ្លែងក្នុងពិធីបិទអង្គសន្និបាតបូកសរុបលទ្ធផលការងារអប់រំ យុវជន និងកីឡា ឆ្នាំសិក្សា២០២២-២០២៣ និងលើកទិសដៅឆ្នាំសិក្សា២០២៣-២០២៤ នារសៀលថ្ងៃទី២២ កុម្ភៈនេះ ឯឧត្ដម ស្វាយ សំអ៊ាង បានមានប្រសាសន៍ថា ថ្ងៃនេះឯកឧត្តមពិតជាមានសេចក្តីសោមនោសរីករាយក្រៃលែងបំផុត ដែលបានចូលរួមអបអរសាទរក្នុងពិធីបិទអង្គសន្និបាតបូកសរុបលទ្ធផលការងារអប់រំ យុវជន និងកីឡា ឆ្នាំសិក្សា២០២២-២០២៣ និងលើកទិសដៅការងារឆ្នាំសិក្ស២០២៣-២០២៤ ដែលរៀបចំឡើងដោយមន្ទីរអប់រំ យុវជន និងកីឡាខេត្ត ក្នុងឱកាសនេះ ដែលមានខ្លឹមសារដ៏មានសារៈសំខាន់សម្រាប់យើងទាំងអស់គ្នា ។

ឯកឧត្ដមអភិបាលខេត្តស្ទឹងត្រែង បានលើកឡើងថា ​ប្រទេសកម្ពុជាបានឈានដល់ដំណាក់កាលអភិវឌ្ឍថ្មីបន្តទៀតក្រោមការដឹកនាំដ៏ខ្ពង់ខ្ពស់ និងឈ្លាសវៃ សម្ដេចមហាបរវធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា នីតិកាលទី៧ នៃរដ្ឋសភាបានដាក់ចេញនូវ បាវចនាចំនួន ៥គឺ ៖ ១.កំណើន ២. ការងារ ៣.សីលធម៌ ៤. ប្រសិទ្ធភាព និង៥. ចីរភាព និងបានកំណត់យុទ្ធសាស្រ្តបញ្ចកោណ ដំណាក់កាលទី១ រួមមាន ៖១. ការអភិវឌ្ឍធនធានមនុស្ស, ២. ការធ្វើពិពីធកម្មសេដ្ឋកិច្ច និងការបង្កើនការប្រកួតប្រជែង, ៣. ការអភិវឌ្ឍវិស័យឯកជន និងការងារ, ៤. ការអភិវឌ្ឍប្រកបដោយភាពធន់ ចីរភាព និងបរិយាបន្ន, ៥. ការអភិវឌ្ឍសេដ្ឋកិច្ច និងសង្គមឌីជីថល ។

ឯកឧត្ដម ស្វាយ សំអ៊ាង បញ្ជាក់ថា តាមរបាយការណ៍បូកសរុបលទ្ធផលការងារអប់រំ យុវជន និងកីឡាខេត្តដោយលោក ហ៊ាង ប៉ូលី ប្រធានមន្ទីរអប់រំ យុវជន និងកីឡាខេត្ត បានគូសបញ្ជាក់អំពីលទ្ធផលនៃការអនុវត្តការងារអប់រំ យុវជន និងកីឡាខេត្តរយៈពេល១ឆ្នាំនេះ សរបញ្ជាក់ឱ្យឃើញថា វិស័យអប់រំមានការអភិវឌ្ឍន៍រីកចម្រើនគួរឱ្យកត់សម្គាល់ ទាំងហេដ្ឋារចនាសម្ព័ន្ធ សម្ភាររូបវន្តនានារួមទាំងគុណភាពអប់រំ ជាក់ស្តែងក្នុងឆ្នាំសិក្សា២០២២-២០២៣ នេះយើងមានសិស្សទទួលបាននិទ្ទេស A ចំនួន ២នាក់ (ស្រី១នាក់) ដែលបានទទួលរង្វាន់ឯកឧត្ដម ស្វាយ សំអ៊ាង អភិបាលខេត្ត នៅថ្ងៃទី១៥ ខែធ្នូ ឆ្នាំ២០២៣ និងបានចូលរួមក្នុងពិធីសំណេះសំណាលជាមួយ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា កាលពីថ្ងៃទី៩​ ខែមករា ឆ្នាំ២០២៤ ថ្មីៗកន្លងមកនេះ ។

ឯកឧត្ដមអភិបាលខេត្ត ពិតជាមានក្តីសោមនោសរីករាយក្រែងលែងបំផុតដែលបានឃើញលទ្ធផលសិក្សារបស់សិស្សមានការប្រែប្រួលពីមួយឆ្នាំទៅមួយឆ្នាំ នេះក៏ដោយសារការខិតខំរៀនសូត្ររបស់សិស្សដែរ ។ មិនតែប៉ុណ្ណោះក្នុងនាមជាអភិបាលខេត្ត សូមលើកទឹកចិត្តដល់សិស្សានុសិស្សដ៏ទៃទៀត បន្តខិតខំរៀនសូត្រធ្វើយ៉ាងណាឱ្យទទួលបាននិទ្ទេស A និងនិទ្ទេសB មានចំនួនកើនឡើងជាបន្តបន្ទាប់ ដើម្បីឆ្លើយតបទៅនឹងគោលនយោបាយ និងកំណែទម្រង់ថ្មីៗរបស់ក្រសួងអប់រំ យុវជន និងកីឡា ដែលបានប្តេជ្ញា និងបានសមាហរណកម្មដូចជា ៖ «ការអប់រំ ដើម្បីអភិវឌ្ឍដោយចីរភាព» ទៅក្នុង «ផែនទីចង្អុលផ្លូវការអប់រំនៅកម្ពុជាឆ្នាំ២០៣០» និង «ផែនការយុទ្ធសាស្រ្តវិស័យអប់រំ ឆ្នាំ២០២៣-២០២៨» ព្រមទាំង «ការសម្រួចអាទិភាពនៃកំណែទម្រង់វិស័យអប់រំ យុវជន និងកីឡា សម្រាប់ឆ្នាំ២០២៣-២០២៨» ផងដែរ។ ជាពិសេសឆ្លើយតបទៅនឹង យុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំដ៏ឈ្លាសវៃប្រកបដោយកិត្តិបណ្ឌិតរបស់សម្តេចមហាបរវធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ៕